Radźkoŭ pryznaŭ vialiki niedabor u piedahahičnyja i sielskahaspadarčyja VNU

Nieabchodna padumać pra toje, jak pryciahnuć moładź u piedahahičnyja i sielskahaspadarčyja VNU.

Ab hetym zajaviŭ siońnia pieršy namieśnik kiraŭnika Administracyi prezidenta Biełarusi, staršynia Respublikanskaha hramadskaha abjadnańnia «Biełaja Ruś» Alaksandr Radźkoŭ na sieminary dla členaŭ arhanizacyi.

«Sioleta my zaŭvažyli, što na fizika-matematyčnych fakultetach piedahahičnych univiersitetaŭ niedabor», — pryvioŭ prykład Radźkoŭ. Jon źviarnuŭ uvahu, što ciapier niaredka skardziacca, što ŭ VNU pastupić ciažka, treba najmać repietytara i h.d.

«Kali łaska, idzi nie tolki na fizmat. U sielskahaspadarčych VNU taksama niedabor», — skazaŭ jon.

Na jaho dumku, vyrašyć prablemu niedaboru na hetyja śpiecyjalnaści naŭrad ci možna, pavialičyŭšy stypiendyju abo daŭšy ŭsim internaty.

«Čamu nie pojduć? Bo sučasnaja moładź — prahmatyki», — miarkuje Radźkoŭ.

U toj čas jak jość niedachop moładzi pry nabory na zhadanyja śpiecyjalnaści, u takoj VNU, jak BDUIR, prablem ź niedaboram na prahramistaŭ niama. Bolš za toje, tyja, chto moža vučycca na biudžecie na inžyniera-elektronika, niaredka iduć vučycca na prahramistaŭ na płatnyja miescy, kab potym vyhadna ŭładkavacca ŭ IT-śfiery.

«Raniej pastupiŭ u VNU — heta było ščaście. A zaraz jany hladziać, što na vychadzie», - skazaŭ jon.

Alaksandr Radźkoŭ adznačyŭ, što adzin z varyjantaŭ vyrašeńnia takich prablem — heta pošuk dziaciej, schilnych da pracy ŭ toj ci inšaj śfiery litaralna ź dziciačaha sadu. Nieabchodna pryciahvać moładź na piedahahičnyja śpiecyjalnaści.

«Navučańnie matematycy i fizicy — heta harantavańnie nacyjanalnaj biaśpieki», — padkreśliŭ kiraŭnik arhanizacyi «Biełaja Ruś».

Pry hetym jon źviarnuŭ uvahu, što prablemaj dla jakoj-niebudź krainy moža być nie prosta toj fakt, što nie chapaje nastaŭnikaŭ matematyki, a toje, što niama mahčymaści ich padrychtavać.

Havoračy ab kankretnych mietadach pryciahnieńnia moładzi na fizika-matematyčnyja fakultety, Alaksandr Radźkoŭ pryvioŭ prykład matematyčnych alimpijad dla školnikaŭ.

Ich možna pravodzić nie tolki dla starejšych kłasaŭ, ale i dla bolš małodšych hrup.

Alimpijadu možna arhanizavać tak, kab dzieciam było cikava ŭ ich udzielničać, kab u ich zastavalisia dobryja ŭražańni. «Takich formaŭ šmat, ale nad imi treba dumać», — skazaŭ Alaksandr Radźkoŭ.

Jon dadaŭ, što rektaram VNU nie varta prosta siadzieć i čakać, kali da jaho pryjduć abituryjenty, treba pracavać u hetym kirunku.

• 0
• 0
• 0
• 0
• 0
• 0
• 0
• 0