Lavon Barščeŭski zaklikaje ŭsie adhalinavańni byłoha Narodnaha Frontu abjadnacca
Jon hatovy vystupić staršynioj na abjadnaŭčym źjeździe BNF jak šyrokaha ruchu, i pry hetym nie zajmać paśla nijakich pasad.
Były staršynia Partyi BNF Lavon Barščeŭski zaklikaje ŭsie adhalinavańni partyi abjadnacca.
Pra heta jon zajaviŭ 18 kastryčnika padčas anłajnu na «Radyjo Svaboda».
Barščeŭski adznačyŭ, što ŭ 1999 hodzie «hałoŭnaj parazaj Frontu ŭ vyniku była nie farmalnaja paraza, što stvaryłasia dźvie arhanizacyi», a toje, što bolšaść ludziej ź minskaj arhanizacyi Partyi BNF, jakaja była «lidaram u Narodnym Froncie, jakaja zabiaśpiečvała masavaść akcyj, ich adpaviedny ŭpłyŭ na hramadstva», «nie pajšła ni ŭ adnu strukturu (farmalna navat zastaŭšysia ŭ hetaj struktury)».
Paśla hetaha, adznačyŭ Barščeŭski «BNF pierastali bajacca». Barščeŭski «absalutna ŭpeŭnieny, što jak ruch BNF siabie nie vyčarpaŭ».
«Dziejnaść partyi ŭ niedemakratyčnaj dziaržavie pieraŭtvarajecca ŭ pryncypie ŭ fikcyju, tamu što partyja padkantrolnaja: tam uličanaje siabroŭstva, tudy možna ŭvapchnuć kudy chočaš i kolki chočaš ludziej.
A voś šyroki ruch z tymi metami, jakija byli sfarmulavanyja jašče 25 hadoŭ tamu, całkam aktualny», — ličyć jon. Barščeŭski hatovy vystupić staršynioj na abjadnaŭčym źjeździe BNF jak šyrokaha ruchu, i pry hetym nie zajmać paśla nijakich pasad.
«Całkam łahična nie admaŭlacca ad pierajemnaści z tym BNF, tamu što BNF usio-taki pa vialikim rachunku zrabiŭ značna bolš dobraha dla ludziej, čym kiepskaha.
Dziakujučy BNF nie zahinuŭ nivodzin čałaviek u Biełarusi (padčas masavych demanstracyj, niahledziačy na ŭsie pravakacyi, na ŭsio, što sprabavaŭ vyrablać režym).
Heta kapitał, i ad hetaha kapitału admaŭlacca nielha, ale kab damovicca z hetym kapitałam… I ja zaklikaju ŭsie adhalinavańni, chto siabie sapraŭdy ličyć BNF-aŭcam, abjadnacca», — zajaviŭ jon.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary