U Minsku mužčyna z mačete sprabavaŭ abrabavać juvielirny sałon
18 kastryčnika ŭ Minsku ŭčynieny razbojny napad na juvielirny sałon. Jak paviedamlaje MUS, knopka tryvožnaj sihnalizacyi juvielirnaha sałona «Bluz», što pa vuł. Čkałava, 1, spracavała ŭ 14.29, paviedamlaje BiełaPAN.
Nieviadomy mužčyna pad vyhladam naviedvalnika zajšoŭ u mahazin, kab nabyć załatyja vyraby. Jon doŭha vybiraŭ łancužok i kryžyk, a paśla paprasiŭ pradaŭca prakansultavać jaho i pakazać niekalki ŭpryhožańniaŭ.
Žančyna, ničoha nie padazrajučy, achvotna pahadziłasia dapamahčy, vyjšła ŭ handlovuju zału i stała adkryvać stełaž z vybranym tavaram.
U hety momant mužčyna dastaŭ z-pad kurtki vialiki nož (padobny na mačete) i prystaviŭ da horła pradaŭca, staŭ patrabavać hrošy.
Druhaja pradaŭščyca, jakaja była za pryłaŭkam, svoječasova zmahła nacisnuć tryvožnuju knopku. Žančyny sprabavali rastłumačyć raźjušanamu «pakupniku», što hrašovaj vyručki ŭ kasie niama.
Tady rabaŭnik zusim vyjšaŭ ź siabie, źviazaŭ pradaŭcoŭ i zakryŭ ich u padsobnym pamiaškańni.
Praz try chviliny paśla tryvožnaha sihnału hrupa zatrymańnia Kastryčnickaha adździeła achovy stalicy prybyła na miesca zdareńnia.
Rabotniki achovy ahledzieli prylehłuju terytoryju i vyjavili, što dźviery mahazina začynieny znutry.
Praz akno sałona milicyjaniery zaŭvažyli mužčynu, jaki kidaŭsia pa handlovaj zale, składvajučy ŭ sumku juvielirnyja vyraby. Pravaachoŭniki błakiravali abjekt i vyklikali padmacavańnie — jašče dva ekipažy achovy.
Acaniŭšy stanovišča, pieršaja hrupa zatrymańnia pryniała rašeńnie šturmavać mahazin, dźvie druhija — pierakryli ŭsie mahčymyja vychady.
Raźbiŭšy dźviarny škłopakiet, rabotniki achovy adčynili dźviery i zatrymali rabaŭnika. Złačyncca nie sprabavaŭ akazvać supraciŭleńnie, bo razumieŭ biezvychodnaść stanovišča.
Pavodle pieršapačatkovaj infarmacyi ŭstanoŭlena, što napad učyniŭ 36-hadovy raniej sudzimy, niepracujučy minčanin. Zatrymany rastłumačyŭ, što jamu terminova patrebnyja byli hrošy.
Jak paviedamiŭ aficyjny pradstaŭnik upraŭleńnia Śledčaha kamiteta pa Minsku Alaksandr Hierasimaŭ, Kastryčnickim rajonnym adździełam SK raspačata sprava na padstavie č. 2 art. 207 KK (razboj, učynieny paŭtorna).
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary