Alaksandr Łukašenka 18 kastryčnika padčas naviedvańnia AAT «Turaŭščyna» zapatrabavaŭ maksimalna efiektyŭnaha vykarystańnia na Paleśsi vysokabalnych uradlivych ziamiel.
Jak adzin z mahčymych varyjantaŭ — maštabnaje vyroščvańnie tut impartazamiaščalnaj, u pryvatnaści, sadavodčaj pradukcyi.
Jak paviedamlaje pres-słužba prezidenta, havorka zajšła pra toje, jak z najbolšaj karyściu vykarystoŭvać hety ŭnikalny pryrodny patencyjał — ziemli z amal stobalnaj uradlivaściu hleby, jakich u Biełarusi zusim mała.
Namieśnik kiraŭnika Administracyi prezidenta Valeryj Ivanoŭ vykazaŭ mierkavańnie, što metazhodna raźvivać sadoŭnictva — mienavita hety kirunak moža dać najbolšuju addaču. Jon ličyć, što na terytoryjach ad Žytkavičaŭ da Stolina treba masava sadžać sady — uradžai jabłykaŭ, hruš tut pavinny być vielmi vysokija. A pakolki raźvićcio sadoŭnictva i aharodnictva spałučana z prablemaj zachoŭvańnia, to naroŭni z hetym adrazu paŭstanie pytańnie pra budaŭnictva sučasnych schoviščaŭ dla pradukcyi.
Pieršaje pytańnie, jakoje ŭ suviazi z hetym zadaŭ Łukašenka: ci rentabielna raźvivać sadoŭnictva? Pakolki jość roznyja mierkavańni, u tym liku na karyść raźvićcia žyviołahadoŭli, vytvorčaści małaka, usio treba dobra praličyć.
«Małako — heta dobra. Ale dzie harantyja, što zaŭtra budzie takaja rentabielnaść na małace, što takija ceny buduć? Heta ciapier tak, a kali zaŭtra situacyja z małakom źmienicca?» — razvažaŭ kiraŭnik dziaržavy.
Pry hetym pryncypova važnaje pytańnie — najaŭnaść popytu na ajčynnyja jabłyki, hrušy, ślivy. Pačuŭšy dovady na karyść hetaha kirunku, Łukašenka skazaŭ: «Dobra, davajcie svoj rynak budziem napaŭniać jakasnaj pradukcyjaj jabłykaŭ. Heta i jak adzin sa šlachoŭ impartazamiaščeńnia, bo my nie budziem tracić valutu na ich zakupku. Toje, što siońnia moža zabiaśpiečyć impartazamiaščeńnie, treba abaviazkova vykarystoŭvać. I treba ŭsio padkarektavać, pakul jašče nie pozna».
Łukašenka ličyć, što ŭsim razam — praktykam, vučonym, technołaham — treba padklučycca da hetaj temy i ŭsio hruntoŭna prapracavać. Jon vykazaŭ mierkavańnie, što nie lišnim budzie ŭ pryvatnikaŭ pavučycca, jak efiektyŭna pracavać u hetym kirunku, tym bolš što stanoŭčy vopyt stvareńnia novych vytvorčaściaŭ na vioscy jość.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary