Udava byłoha juhasłaŭskaha lidara Iosipa Broza Cita — Jovanka Broz — pamierła va ŭzroście 89 hadoŭ.
Rts.rs
23 žniŭnia žančyna była špitalizavana ŭ ciažkim stanie. Ranicaj 20 kastryčnika jana pamierła ŭ vyniku spynieńnia serca.
Jovanka stała treciaj žonkaj Broza Cita, vyjšaŭšy za jaho zamuž u 1952 hodzie.
U 1976 Cita źmiaściŭ žonku pad chatni aryšt.
Pavodle adnoj ź viersij, palityk, jakomu na toj momant było ŭžo bolš za 80 hadoŭ, zapadozryŭ jaje ŭ padrychtoŭcy dziaržaŭnaha pieravarotu, adnak da samaj śmierci Cita nie kamientavaŭ svajo rašeńnie.
Paśla śmierci muža ŭ 1980 hodzie Jovanka Broz była pakinutaja pad aryštam. Novyja ŭłady Juhasłavii pazbavili jaje prava vałodać majomaściu i navat dakumientami.
Amal 20 hadoŭ žančyna pražyła ŭ aharodžanym staradaŭnim asabniaku ŭ Biełhradzie. U chacie nie było aciapleńnia i haračaj vady, a zapasy ježy papaŭnialisia raz u tydzień.
Vyjści na svabodu ŭdava Cita zmahła tolki ŭ 2001 hodzie, paśla źviaržeńnia Słabadana Miłošaviča i prychodu da ŭłady demakrata Vaisłava Kaštunicy. U lipieni 2009 hoda ŭłady Sierbii vydali joj pašpart, da hetaha ŭ Jovanki nie było dziejučaha paśviedčańnia asoby.