Paśla paražeńnia ad kamandy Peru u tenisnym asiarodździ čakajuć niepryjemnych «arhvysnovaŭ».
 |
Paśla paražeńnia tenisnaj zbornaj Biełarusi ad kamandy Pieru ŭ samy bližejšy čas čakajecca «razbor palotaŭ i razdača słanoŭ» dla našych tenisnych funkcyjanieraŭ.
Jak stała viadoma karespandentu Pahoni ź infarmavanaj krynicy, paśla paražeńnia tenisnaj zbornaj Biełarusi ad kamandy Pieru ŭ samy bližejšy čas čakajecca «razbor palotaŭ i razdača słanoŭ» dla našych tenisnych funkcyjanieraŭ.
Śpiecyjalisty nieadnarazova adznačali, što hulnia ź pieruancami dla biełarusaŭ nadzvyčaj važnaja, a projhryš adkinie našych spartoŭcaŭ u hłybini Jeŭra‑Afrykanskaj zony, ź jakoj doŭhi čas nie mahli vykaraskacca tady jašče maładyja Uładzimir Vałčkoŭ i Maksim Mirny.
I adna sprava, kali my ŭ haściach prahrali zbornaj ZŠA (choć i paśla hetaha na hałovy asobnych trenieraŭ vylili viodry brudu), i inšaja — pieruancam.
— Ničoha asablivaha ŭ projhryšy niama i było b hłupstvam šukać vinavatych, — kaža adzin z byłych kapitanaŭ zbornaj Biełarusi Andrej Biassonaŭ. — Prosta čas Mirnaha i Vałčkova sychodzić, a maładoje pakaleńnie — talenavitaje, ale jašče nie padrychtavana da matčaŭ takoha ŭzroŭnia. Isnuje «dzirka» pamiž źmienaj pakaleńniaŭ, jakuju, na žal, schavać niemahčyma. Tamu treba ŭsprymać situacyju takoj, jakaja jana jość.
Tym nie mienš, pa našaj infarmacyi, užo dadzieny zahad razabracca ŭ paražeńni našaj zbornaj i pa nieabchodnaści pakarać vinavatych. Cikava, z kaho pačnuć? Moža sa staršyni Asacyjacyi tenisa, jaki jašče i mer horada, Paŭłava?
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary