Ceny padpisnoj kampanii-2014.
Startavała padpiska na pieršaje paŭhodździe 2014 hoda. «Naša Niva» daviedałasia, kolki daviadziecca addać za paŭhadavuju padpisku na samyja papularnyja biełaruskija haziety.
Za niezaležnuju hazietu «Narodnaja Vola» daviadziecca addać 198 000 rubloŭ. Za paŭhoda padpisčyk atrymaje 49 numaroŭ haziety. Takim čynam, adzin numar abydziecca ŭ 4041 rubiel.
Tydniovik «Biełhazieta» kaštuje 170 100 rubloŭ za paŭhoda. Za šeść miesiacaŭ padpisčyku pryjdzie 24 numary haziety. Adzin numar budzie kaštavać 7087 rubloŭ.
Za najpapularniejšuju «Kamsamolskuju praŭdu ŭ Biełarusi» daviadziecca addać 630 000 (119 numaroŭ) i 180 000 asobna za vypusk «Tałstuška» pa čaćvierach (26 numaroŭ). Takim čynam, cana za numar «Kamsamołki» składaje kala 5 300 rubloŭ, a za «Tałstušku» daviadziecca addać kala 7000 rub.
Kali čytač padpišacca adrazu na nie mienš papularnyja «Arhumienty i fakty» adrazu na paŭhoda, to atrymaje źnižku – 27 numaroŭ haziety abyducca ŭ 125 400 rubloŭ (4650 rubloŭ za numar).
Adnoj z samaj darahich haziet krainy ŭžo pa tradycyi staŭ spartyŭny «Presboł», padpisacca na jaho na šeść miesiacaŭ kaštuje 580 000 rubloŭ (śpiecyjalnaja paŭhadavaja padpiska). Za kožny z 95 numaroŭ u siarednim daviadziecca addać 6100 rubloŭ.
Hałoŭnaja dziaržaŭnaja hazieta «Sb. Biełaruś siehodnia» kaštuje 285 000 za 119 numaroŭ. Stolki ž kaštujuć inšyja dźvie dziaržaŭnyja haziety – «Źviazda» i «Respublika», roźnica ŭ tym, što kali za adzin numar «SB» i «Źviazdy» daviadziecca addać kala 2400 rubloŭ, to «Respublika» kaštuje troški daražej – kala 3000 rubloŭ.
Padpiska na paŭhoda na «Našu Nivu» kaštuje 214 800 rubloŭ. Hazieta vychodzić 24 razy za šeść miesiacaŭ.
Pra toje, jak padpisacca na «Našu Nivu», nie ŭstajučy z-za kampjutara, čytajcie tut.
-
«Baimsia, što jaje nie vypuściać ź Biełarusi». Baćki minskich padletkaŭ raskazali, jak škoły kantralujuć płany pastupleńnia ich dziaciej
-
«Čałaviek, zaniaty lubimaj spravaj, nie stareje». Biełarus robić u Polščy rycarskija daśpiechi pa 15 tysiač jeŭra
-
«Zachvareŭ? Idzi ŭ chram». Andrej Lemiašonak raskazaŭ, jak zaražaŭ ludziej na Vialikdzień 2020 hoda
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary