Pry padrychtoŭcy da praviadzieńnia čempijanatu śvietu pa chakieju 2014 hoda ŭ Minsku nieabchodna kłapacicca nie tolki ab stvareńni materyjalnaj bazy, ale i padrychtoŭcy adpaviednaha piersanału.
Ab hetym zajaviŭ premjer-ministr Biełarusi Michaił Miaśnikovič u chodzie pasiadžeńnia Prezidyuma Savieta Ministraŭ.
«Čempijanat śvietu, jaki projdzie ŭ Biełarusi ŭ nastupnym hodzie, heta znakavaje mierapryjemstva dla našaj krainy, - padkreśliŭ premjer. - Heta nie tolki spartyŭny forum».
«Pracavać pavinny ŭsie!» - padkreśliŭ Michaił Miaśnikovič.
Jon adznačyŭ, što Saviet Ministraŭ apieratyŭna prymaje nieabchodnyja rašeńni, razam z tym pytańnie ab chodzie padrychtoŭki da ČS nie daremna vyniesiena na razhlad. «Času zastajecca nie tak šmat, pytańni patrabujuć samaj pilnaj uvahi pieršych asob», - skazaŭ jon.
Pry hetym kiraŭnik urada adznačyŭ, što asablivaja ŭvaha pavinna ŭdzialacca siońnia nie tolki padrychtoŭcy materyjalnaj bazy, ale i padrychtoŭcy adpaviednaha piersanału. «Budzie ŭvodzicca šmat novych haścinic, idzie kapitalny ramont i madernizacyja dziejučaj bazy raźmiaščeńnia. Taksama budzie zadziejničany šerah internataŭ, pansijanataŭ, pradpryjemstvaŭ charčavańnia, transpartu i šmat inšych. Tamu i materyjalnaja baza, i piersanał pavinny być padrychtavany adpaviedna», - padkreśliŭ premjer-ministr.
