Rasija ŭ najbližejšy čas pieradaść Biełarusi čatyry zienitna-rakietnyja kompleksy S-300.
Pra heta paviedamiŭ žurnalistam ministr abarony Rasii Siarhiej Šajhu pa vynikach praviedzienaha siońnia ŭ Maskvie supolnaha pasiadžeńnia kalehij ministerstvaŭ abarony Biełarusi i RF.
«Dla pavyšeńnia mahčymaściaŭ supraćpavietranaj abarony Respubliki Biełaruś płanujecca pieradača ŭ samy bližejšy čas biełaruskamu boku čatyroch zienitna-rakietnych kompleksaŭ S-300», — cytuje Šajhu ahienctva BiełTA.
S-300 — heta mahutny kompleks procirakietnaj abarony. Choć jon nikoli nie vykarystoŭvaŭsia ŭ bajavych dziejańniach, ličycca, što jon nieprabivalny dla amierykanskaj avijacyi. Jon zdolny źbivać jak samaloty, tak i kryłatyja rakiety praciŭnika.
Ad 2011 hoda jon bolej nie vyrablajecca. Rasija pierajšła na vytvorčaść bolš sučasnaj jaho viersii S-400.
Na siońnia na ŭzbrajeńni biełaruskaj armii stajać adna bryhada S-300V, adna bryhada i dva pałki S-300PS. Jakija kankretna jašče čatyry kompleksy buduć pieradadzieny, pakul nie paviedamlajecca.