7 listapada na miežach Biełarusi adznačajecca značnaje pavieličeńnie patokaŭ lehkavoha transpartu, što vyjazdžaje ŭ susiednija krainy. U paraŭnańni ź minułymi vychodnymi patok vyras bolš čym u čatyry razy.
Pra heta paviedamlaje sajt Dziaržaŭnaha pamiežnaha kamiteta.
Pry hetym najbolšaja navała mašyn pa stanie na 09.00 zafiksavana ŭ punktach propusku «Bruzhi» — 250 mašyn, «Bierastavica» — 170 mašyn, «Katłoŭka» - 160, «Kamienny Łoh» - 140 mašyn.
Pamiežniki zaznačajuć, što ŭ suviazi sa śviatočnym dniom zrobleny zachady pa pavyšeńni prapusknoj zdolnaści punktaŭ propusku, pavialičana kolkaść supracoŭnikaŭ pamiežnaha kantrolu na asnoŭnych napramkach. Ale adznačajuć pra nizkija pakazčyki propusku aŭtatranspartu sumiežnymi pahranpierachodami Polščy i Litvy.
Tak, na kirunku Hrodna — Biełastok polski punkt propusku «Kuźnica» za apošniuju hadzinu pryniaŭ ŭsiaho 10 aŭtamabilaŭ.
DPK rekamienduje ŭličvać hetyja abstaviny i zaznačaje, što ŭ druhoj pałovie dnia i ŭviečary takaja situacyja moža paŭstać užo na ŭjezd u Biełaruś.
Kamientary