Ułaśnik Andrej Bielakoŭ biełaruskaha ŭnitarnaha pradpryjemstva «BIEŁSATplus» śćviardžaje, što telebačańnie «Biełsat» niezakonna vykarystoŭvaje svoj tavarny znak.
Sud maje adbycca ŭžo 11 listapada u Miensku, paviedamlaje sajt belsat.eu.
Uładalnik tavarnaha znaku «Biełsat» zajmajecca prodažam abstalavańnia dla pryjomu spadarožnikavaha i kabielnaha telebačańnia i pradaje radyjotechničnaje abstalavańnie. Paŭstała jana ŭ 2003 hodzie pad kiraŭnictvam Siarhieja Łysiankova i tady nazyvałasia «Chajtech-markiet».
U traŭni 2006 hoda ŭžo było viadoma pra toje, što paŭstaje naš kanał i maje nazvu «Biełsat TV». Praź miesiac ułaśnik kampanii «Chajtech-markiet» Siarhiej Łysiankoŭ addaŭ tavarny znak Andreju Bielakovu, jaki źmianiaje nazvu na Unitarnaje pradpryjemstva «BIEŁSATplus», a ŭ 2011 hodzie ŭ śpiecyfikacyi firmy źjaŭlajecca słova TV, što praŭda, vyklučna kabielnaje.
«Takija supadzieńni byvajuć tolki ŭ kazkach», – kamientuje dyrektarka kanału Ahnieška Ramašeŭskaja-Huzy.
Adnak našaje telebačańnie zarehistravanaje ŭ Polščy, taksama, jak i damien sajtu. Damiennaje imia nie zarehistravanaje ŭ Biełarusi dy nie administrujecca z terytoryi Biełarusi, taksama i telebačańnie nie tranślujem z terytoryi Biełarusi. Adpaviedna, i znak – nie padpadajem pad jurysdykcyju biełaruskaha prava.
Da taho ž «Biełsat» zarehistravany jak «Biełsat TV» («Belsat TV»), a handlovaje ŭnitarnaje pradpryjemstva – jak «BIEŁSATplus» (paśviedčańnie ab rehistracyi № 190991566).
Naš telekanał atrymaŭ pozvu 5 listapada, a sudovaje pasiedžańnie pryznačanaje ŭžo na paniadziełak 11 listapada ŭ Viarchoŭnym sudździea 10:00. Siońnia ŭ Biełarusi aficyjny vychodny, a tamu znajści dy aficyjna aformić pradstaŭnika kanału, jaki budzie reprezientoŭvać «Biełsat» na sudzie, nadzvyčaj ciažka.
11 listapada – u Polščy Dzień Niezaležnaścidy taksama aficyjny vychodny. U suviazi z hetym «Biełsat» źviartajecca ŭ sud z prośbaju pieranieści sudovaje pasiedžańnie.
«Vidavočna nam namahajucca ŭskładnić isnavańnie. U Jeŭraźviazie ŭsie vielmi ličacca ź litaraju zakonu, asabliva z aŭtarskimi pravami, tamu ŭłady Biełarusi namahajucca stvaryć uražańnie, što my pracujem nie ŭ zhodzie z zakonam.
Taksama, ja miarkuju, vyrak u takoj spravie buduć vykarystoŭvać, kab čarhovy raz admović nam u akredytacyi», – kamientuje pozvu dyrektarka kanału Ahnieška Ramašeŭskaja-Huzy.
Firma, jakaja padała ŭ sud na «Biełsat TV», nie choča hrašovaj kampiensacyi. Jaje adzinaje patrabavańnie, kab spadarožnik «Astra» prypyniŭ tranśmisiju sihnału telebačańnia «Biełsat».
«Biełsat» tranślujecca sa spadarožniku «Astra 4A» (raniejšaja nazva – «Sirius 4»), pazicyja 4,8?E [1], palaryzacyja H [2], častata 12 380 MHc, štodzionna z 7:00
Kamientary