Biełaruskaja čyhunka adkryła rehularny ruch ciahnikoŭ haradskich linij na ŭčastku Minsk — Rudziensk
Jak paviedamili BiełaPAN u pres-słužbie BČ, pa hetym maršrucie budzie kursavać dzieviać par ciahnikoŭ. Adlehłaść ad stalicy da Rudzienska sučasnyja ciahniki haradskich linij buduć pieraadolvać za 48-50 chvilin. U darozie praduhledžana 11 prypynkaŭ, u tym liku Minsk-Paŭdniovy, Łošyca, Kaladzičy, Michanavičy, Mačuliščy.
U hetym napramku budzie taksama kursavać 25 par ciahnikoŭ rehijanalnych linij ekanamkłasa.
Akramia taho, 7 listapada BČ pryznačyła ŭ pastajannych znosinach u ranišni čas dadatkovy ciahnik rehijanalnych linij biźnies-kłasa № 812/811 pa maršrucie Minsk — Babrujsk.
Nahadajem, adkryćciu rehularnaha ruchu ciahnikoŭ haradskich linij Minsk — Rudziensk papiaredničała maštabnaja madernizacyja infrastruktury hetaha ŭčastka.
Z pačatku kursavańnia ŭ 2011 hodzie ciahnikoŭ haradskich linij hety typ transpartu zavajavaŭ papularnaść siarod pasažyraŭ, adznačyła pres-słužba. Usiaho z momantu adkryćcia ŭ Minsku ruchu takich ciahnikoŭ imi było pieravieziena bolš jak 3 młn. čałaviek. U tym liku ŭ studzieni—vieraśni hetaha hoda było pieravieziena 1,45 młn. pasažyraŭ, što pieravysiła ŭzrovień anałahičnaha pieryjadu 2012 hoda na 28,9%.
Kamientary