Dva vialikija piŭnyja restarany z ułasnymi brovarami adkryjucca ŭ Minsku

U Biełarusi raście kolkaść restaranaŭ, jakija prapanujuć spažyŭcam ułasnaje piva. U najbližejšy čas na staličnym rynku rychtujucca zajavić pra siabie dva prajekty ź mini-brovarami i ŭłasnymi piŭnymi markami.

Na pačatku 2014 maje być adkryty restaran-brovar «Siabry» ŭ parku Družby narodaŭ na vulicy Kulman.

Va ŭstanovie, jakaja raźličana prykładna na 1000 pasadačnych miescaŭ, pastaviać češski mini-brovar.

Restaran znachodzicca ŭ kiravańni viadomaha dystrybjutara impartnaha piva kampanii «Piŭny rad». U jaje ŭładalnika Andreja Zacharava ŭžo jość niekalki restarannych prajektaŭ u Minsku, siarod jakich «Ćvik», Bierkeller, «Hambrynus».

Što tyčycca druhoha prajekta, to

ŭ rajonie Nacyjanalnaj biblijateki na miescy začynienaha savieckaha restarana «Arbat» ciapier zaviaršaje raboty pa zapusku restarana-brovara Dźmitryj Astašanka. Ustanova zachavaje byłuju nazvu.

Płanujecca, što častka załaŭ stanie dastupnaj dla naviedvalnikaŭ u kancy 2013 hoda, druhaja — u 2014 hodzie.

Dźmitryj Astašanka — viadomy biznesoviec, zasnavalnik ZAT «Avaryjny servis dla aŭtaamataraŭ», jaki vydaje hazietu «Aŭtabiznes». Taksama jamu naležać źnižkavy servis Slivki.by, kantrolny pakiet AAT «Pružanski kansiervavy zavod» i abjekty nieruchomaści ŭ Minsku.

U Minsku na siońnia jość nie mienš za piać restaranaŭ, jakija vyrablajuć i pradajuć ułasnyja marki piva. Najstarejšy ź ich — restaran-brovar «Rakaŭski brovar», adkryty biznesmenam Juryjem Čyžom u 1997 hodzie. U centry Minska jon vyrablaje niekalki hatunkaŭ, siarod jakich «Hrašovaje» i «Staravilenskaje».

Z 2007 hoda na aŭstryjskim abstalavańni varyć piva «Hradskaje» restaran «Hradski pab», jaki naležyć suŭładalniku Handlovaha doma «Ždanovičy» Jaŭhienu Šyhałavu. Pa kantrakcie z hetym mini-brovaram tut časova svajo piva varać i ŭładalniki restarana «Staramiesny pivavar», jaki adkryŭsia ŭ pačatku 2013 hoda. Ciapier jany rychtujucca da zapusku ŭłasnaj vytvorčaści, a ŭ płanach adkryćcio sietki piŭnych restaranaŭ pad nazvaj «Birža».

U Minsku i Minskim rajonie taksama vyrablajuć piva «Bivier» (brovar «Maksel» siamji Babrovičaŭ), «Birbank» (kłub «Jamajka» Anatola Bajdačnaha), «Novy Niaśviž» i «Hiłdfard» (restaran-brovar «Novy Niaśviž»). Svajo piva prapanuje restaran «Pipł'S», jano pradajecca i ŭ inšych ustanovach Rusłana Vysockaha i praz kramy raźliŭnoha piva.

Mini-brovary pracujuć u Breście, Mahilovie, Viciebsku.

«Vialikija» vytvorcy piva ŭ Biełarusi miž tym hublajuć rynak. Pa vynikach pieršaha paŭhodździa 2013 vytvorčaść piva skaraciłasia na 5% proci anałahičnaha pieryjadu minułaha hoda, a prodažy na ŭnutranym rynku ŭpali na 7,4%.

Adnoj z hałoŭnych pryčyn ekśpiertami nazyvajecca rost cenaŭ na piva, a jany ŭ svaju čarhu abumoŭleny pavyšeńniem stavak akcyzaŭ. Siońnia jany vyšejšyja, čym u krainach-susiedkach.

Lidarami ŭ vytvorčaści pa vynikach I kvartała stała AAT «Krynica» (jaho dola — 31,5%), dalej išli Heineken Belarus (24,5%), AAT «Brovar «Alivaryja» (20,3 %), AAT «Lidskaje piva» (19%), AAT «Bresckaje piva» (3,8 %).

Na astatnija kampanii vytvorcaŭ pryjšłosia 0,9 % ad usiaho abjomu vytvorčaści.

• 0
• 0
• 0
• 0
• 0
• 0