U Kramli šmatlikija prapanovy źmianić Kanstytucyju Rasii i prybrać ź jaje zabaronu na adzinuju ideałohiju nazyvajuć inicyjatyvami źnizu, i ŭładaj jany nie padtrymlivajucca, pišuć «Iźviestija».
U ciapierašni čas u administracyi prezidenta Rasii raspracoŭvajecca kancepcyja pa raźvićci patryjatyzmu, a taksama idzie pošuk hałoŭnaj nacyjanalnaj idei krainy, jakaja zmoža abjadnać rasijcaŭ.
Pres-sakratar kiraŭnika dziaržavy Dźmitryj Piaskoŭ udakładniŭ, što nijakich źmienaŭ u Kanstytucyju ŭnosicca nie budzie. «Kanstytucyju mianiać prezident nie budzie. A ideałohija Kanstytucyjaj nie praduhledžanaja», - padkreśliŭ jon, paćvierdziŭšy, što «pošuki nacyjanalnaj idei viaducca».
U administracyi prezidenta vydańniu paviedamili, što nasadžvać jakuju-niebudź ideałohiju ŭ Rasii niama sensu, zamiest ideałohii nieabchodna znajści nacyjanalnuju ideju. Pavodle infarmacyi vydańnia, pakul nacyjanalnuju ideju nie znajšli, ale pošuki viaducca.
«Kali znojdziem niešta hienijalnaje, tady heta i budzie nacyjanalnaj idejaj, jakaja bolš zhurtuje hramadzian Rasii», - kaža krynica haziety.
Kamientary