Jak paviedamili ŭ Śledčym kamitecie, Natalli Karalovaj inkryminujecca ździajśnieńnie złačynstva, praduhledžanaha č.3 art.210 Kryminalnaha kodeksa Biełarusi (kradziež šlacham złoŭžyvańnia słužbovymi paŭnamoctvami, ździejśnieny ŭ bujnym pamiery). Sankcyja hetaha artykuła praduhledžvaje pakarańnie da 10 hadoŭ pazbaŭleńnia voli z kanfiskacyjaj majomaści.
Pavodle papiarednich dadzienych, rektar Dziaržaŭnaha instytuta pavyšeńnia kvalifikacyi i pierapadrychtoŭki kiraŭničych rabotnikaŭ i śpiecyjalistaŭ ździejśniła kradziež srodkaŭ ustanovy na sumu amal 35 miljonaŭ rubloŭ.
Dla hetaha była vykarystanaja schiema fiktyŭnaha pracaŭładkavańnia, jakaja apošnim časam stała vielmi papularnaj u dziaržustanovach.
Tak, pavodle dadzienych śledstva, N. Karalova ŭładkavała na pasadu śpiecyjalista pa markietynhu svaju znajomuju, jakaja ličyłasia na joj ź lipienia 2011 hoda pa vierasień 2013. Adnak uvieś hety čas žančyna na pracy nie źjaŭlałasia i svaje pracoŭnyja abaviazki nie vykonvała. Pry hetym joj spraŭna naličvałasia zarabotnaja płata, jakuju, ličać śledčyja, rektar prysvojvała sabie. Takim čynam, amal za try hady padazravanaja pakłała sabie ŭ kišeniu 34,.9 młn rubloŭ.
U ciapierašni čas pravodziacca śledčyja mierapryjemstvy, padčas jakich płanujecca vyśvietlić usie astatnija niuansy znachodžańnia N. Karalovaj na svajoj pasadzie.
