U Biełarusi nieabchodna rehularna pravodzić vialikija narady respublikanskaha ŭzroŭniu dla pastanoŭki pryjarytetnych zadač pierad kirujučymi kadrami.
Ab hetym Alaksandr Łukašenka zajaviŭ 9 śniežnia, prymajučy z dakładam premjer-ministra Michaiła Miaśnikoviča, kiraŭnika Administracyi prezidenta Andreja Kabiakova i staršyniu Kamiteta dziaržkantrolu Alaksandra Jakabsona.
Asnoŭnaj temaj sustrečy stała padrychtoŭka da praviadzieńnia 10 śniežnia respublikanskaj narady pa vyrašeńni prablemnych pytańniaŭ u budaŭničaj halinie i ŭdaskanaleńniu raboty z kirujučymi kadrami.
«Jak viadoma, zaŭtra ŭ nas surjoznaje mierapryjemstva. Na žal, na vyšejšym uzroŭni my nie vypracavali sistemu raboty z kirujučymi kadrami, i ŭsio atrymlivajecca naskokam i ad vypadku da vypadku. Dobra, što aktualnyja pytańni vynosim na razhlad.
Ja heta kažu tamu, što takaja sistema pavinna być vypracavana, — skazaŭ Łukašenka.
— My da hetaha pytańnia ŭ svoj čas padychodzili i byccam by niešta tam namacali.
Tamu nam treba tut vyznačycca. Minimum raz u paŭhodździe my pavinny pravodzić takija mierapryjemstvy».
«My pavinny na ŭzroŭni prezidenta pravodzić hetyja mierapryjemstvy z našym aktyvam, kab aryjentavać ludziej na vyrašeńnie važniejšych zadač, jakija stajać pierad hramadstvam. Pieršaje pytańnie - heta sistema. Sistemy hetaj pakul niama», - adznačyŭ jon.
Alaksandr Łukašenka źviarnuŭ asablivuju ŭvahu na padrychtoŭku majučaj adbycca narady, pakolki na joj budzie prysutničać usia kirujučaja viertykal vykanaŭčaj, zakanadaŭčaj i sudovaj ułady.
Takoje mierapryjemstva ŭpieršyniu projdzie ŭ Pałacy Niezaležnaści. «Ale samaje hałoŭnaje - źmiest, toje, z čym pajeduć ludzi z hetaha mierapryjemstva», — padkreśliŭ biełaruski lidar.
U suviazi z hetym Łukašenka vykazaŭ šerah krytyčnych zaŭvah da źmiestu padrychtavanaha dla jaho dakłada.
«Pavinien skazać, što ja ŭvažliva pahladzieŭ hetu pisaninu - instrukcyja z uschvaleńniem niejkaj hrupy Kabiakova. Na kožnaj staroncy spasyłka pa piać razoŭ na rabotu hrupy i jaje vialikuju vynikovaść, jaje parady.
Pa-pieršaje, heta nie sprava prezidenta vykazvać adabreńnie i padtrymlivać, niachaj navat i vielmi efiektyŭnuju hrupu. Pa-druhoje, my jašče pahladzim efiektyŭnaść jaje raboty», - skazaŭ kiraŭnik dziaržavy.
Źviartajučysia da premjer-ministra, Alaksandr Łukašenka adznačyŭ, što prapanovy rabočaj hrupy pa vyrašeńniu prablemnych pytańniaŭ u budaŭnictvie pavinny być praanalizavany i vyvučany va ŭradzie. «Jakim by ni byŭ vialiki Kabiakoŭ i tyja, kaho jon sabraŭ (rabota praviedziena vialikaja i, napeŭna, efiektyŭnaja), usio ž taki vam treba prymać rašeńnie. U novy hod my pavinny vyjści z novym budaŭničym kompleksam, a tam kuča prapanoŭ pa narmatvorčaści, i ŭžo siońnia treba hetyja rašeńni pryniać.
Ale samaje hałoŭnaje - pahladzieć, jakija rašeńni i rekamiendacyi hrupy treba padtrymać, a jakija - nie. A, mahčyma, i ŭ cełym. Ja tut ničoha nie abviarhaju.
Tamu rana siońnia prezidentu vystupać na hałoŭnaj padziei hoda i chvalić niejkuju hrupu», - zajaviŭ kiraŭnik dziaržavy.
Što datyčycca źmiestu padrychtavanaha dakłada, to, pavodle słoŭ Alaksandra Łukašenki, jon padobny da instrukcyi budaŭničaha kompleksu.
«Ja dumaju, heta sprava premjera i navat, napeŭna, ministra vydavać instrukcyi. Tamu ŭ vas jašče dzień, kab padrychtavać mnie materyjały, tezisy dla dakłada», - daručyŭ Łukašenka.
«Narada projdzie, my abaznačym prablemy, ale z 1 studzienia 2014 hoda my hetyja prablemy pavinny vyrašać. I nie daj boh u budaŭničym kompleksie, dy i pa inšych napramkach (budaŭnictva - heta navuka dla inšych) źjaviacca takija ž niedachopy, jakija my nazirali i ŭ hetym, i minułyja hady», - papiaredziŭ Łukašenka.
«Treba viarnuć licenzavańnie - viartajcie. Treba ŭzmacnić kantrol - uzmacniajcie. Ale raschlabanaści ŭ rabocie z nasielnictvam nie pavinna być.
Asabliva tam, dzie arhanizacyi majuć spravu z hrašyma ludziej. Uziali ŭ ludziej hrošy, paabiacali ŭ hety termin uvieści za hetu canu - uvodźcie, i z dobraj jakaściu. Nie - poŭnaściu kampiensacyja, navat u dvuchkratnym pamiery, kab ludzi na nas nie kryŭdzilisia. Dapuścili pravaparušeńnie — u turmu», - dadaŭ Alaksandr Łukašenka.
