Pavieł Sieviaryniec choča zhurtavać apazicyju vakoł idei pieramien, fota JEŬraradyjo
Lidar chryścijanskich demakrataŭ Pavieł Sieviaryniec vystupiŭ z prapanovaj sklikańnia ŭ krasaviku Usiebiełaruskaha kanhresa z metaj vyłučeńnia adzinaha kandydata ad apazicyi na vybary-2015.
Što pra heta dumajuć inšyja palityki?
Uładzimir Niaklajeŭ, były kandydat na pasadu prezidenta, lidar kampanii «Havary praŭdu»: «Toje, što skazaŭ Pavieł Sieviaryniec było ŭzhodniena ŭ tym liku z sa mnoj. I z bolšaściu inšych palityčnych siłaŭ.
Ja pierakanany, što pravodzić Kanhres, ci lepš skazać Schod pa vyłučeńni adzinaha kandydata treba najchutčej. Chacia naŭrad ci my ŭžo, praŭda, paśpiejem da miascovych vybaraŭ [projduć 23 sakavika 2014 – «NN»].
Što tyčycca vyłučeńnia delehataŭ Schodu, to abmiarkoŭvajucca roznyja varyjanty. Vyłučać tolki tych, chto budzie brać udzieł u miascovych vybarach, — tolki adzin ź ich.
Vybary-2015 buduć vielmi niaprostymi, našmat bolš składanymi za 2010 hod. Treba, kab adziny kandydat nios usiu adkaznaść za padziei, a nie ładzić niejkija kanfierencyi ź inšymi kandydatami.
Nu i, viadoma, padtrymka adzinaha budzie našmat bolšaj, čym asobnych kandydataŭ. Śvietu taksama treba prademanstravać čałavieka, ź jakich treba razmaŭlać i mieć spravu».
Volha Karač, kiraŭnica hramadskaj inicyjatyvy «Naš Dom»: «Ja dumaju, što ideja praviadzieńnia Kanhresu zaŭsiody dobraja. Dobra, kali adbyvajucca dyskusii, składvajucca ahulnyja namahańni, stanovicca zrazumieła, što adbyvajecca ŭnutry.
Ź inšaha boku jość dva šlachi praviadzieńnia Kanhresu. 1) Kanhres dla abmierkavańnia kandydatury, dla raspracoŭki stratehii. 2) Sproba praciahnuć svajho kandydata lubymi siłami. Druhi šlach zahadzia pravalny.
Kaniečnie, my hatovyja pracavać dla vyłučeńnia adzinaha kandydata. Siońnia demakratyčnyja siły nie nastolki mocnyja, kab raspylacca. Praŭda, nikoli adzinaha vyłučyć tak i nie atrymlivałasia.
Było minimum dva adzinych. Ale jašče raz skažu nam było b cikava ŭdzielničać u vyłučeńni adzinaha kandydata».
