Rada eŭrapiejskaj intehracyi maje zadzinočyć prychilnikaŭ eŭrapiejskaha vybaru Biełarusi.
U Radu eŭrapiejskaj intehracyi ŭvojduć hramadzkija dziejačy, palityki, eksperty, jakija deklarujuć svaju prychilnaść idei eŭrapiejskaha vybaru Biełarusi, havorycca ŭ paviedamleńni presavaj słužby ruchu “Za svabodu”.
Kaardynatar ruchu "Za svabodu" Juraś Hubarevič paviedamiŭ, što da ŭdziełu ŭ Radzie zaprošanyja 30 čałaviek. Papiarednie pahadzilisia dałučycca Ihar Rynkievič, Stanisłaŭ Šuškievič, Pavał Sieviaryniec, Aleś Michalevič, Vital Silicki, dadaŭ Ju.Hubarevič.
"Rada eŭrapiejskaj intehracyi pavinna stać aŭtarytetnym hramadzkim centram, jaki abjadnaje patencyjał roznych palityčnych i hramadzkich siłaŭ, prychilnych idei eŭrapiejskaha vybaru Biełarusi", – zajaviŭ Alaksandar Milinkievič.
Hałoŭnymi zadačami rady budzie vypracoŭka bačańnia eŭrapiejskaj intehracyi Biełarusi, vyznačeńnie kankretnych dziejańniaŭ, jakija nieabchodnyja, kab ustalavać eŭrapiejskija standarty i padrychtavać Biełaruś da siabroŭstva ŭ EZ, zaznačajecca ŭ paviedamleńni presavaj słužby ruchu “Za svabodu”.
Kamientary