Pałačanie, asabliva maładyja, z razumieńniem i entuzijazmam pastavilisia da naviny, tamu pracaŭniki narychtoŭčych punktaŭ nie siadziać biaz spravy.
 |
Žycharam Połacku haradzkija ŭłady ciapier płaciać za śmiećcie hrošy. Jak paviedamiła karespandentu BIEŁTA namieśnica staršyni Połackaha harvykankamu Natalla Kačanava, u horadzie startavaŭ eksperymentalny prajekt pa zbory rassartavanaha śmiećcia ad nasielnictva. Z hetaj metaj u vieraśni ŭ rajonach Połacku byli ŭstalavanyja čatyry stacyjanarnyja narychtoŭčyja punkty, dzie prymajuć luboje škło, posud, plastyk i papieru. Pryčym apłata za druhasnuju syravinu ŭ paraŭnańni ź inšymi pryjomnymi punktami krychu vyšejšaja. Cana, a taksama vyhodnaje raźmiaščeńnie (u spalnych mikrarajonach) robiać pryvabnymi takija punkty dla nasielnictva.
Natalla Kačanava adciemiła, što pałačanie, asabliva maładyja, z razumieńniem i entuzijazmam pastavilisia da naviny, tamu pracaŭniki narychtoŭčych punktaŭ nie siadziać biaz spravy.
Da kanca kastryčnika ŭ Połacku źjaviacca jašče šeść takich samych punktaŭ, 500 novych kantejneraŭ dla asobnaha zboru druhasnaj syraviny i specmašyna, jakaja budzie kursiravać pa vulicach, raźmieščanych voddal ad isnych pryjomnych punktaŭ.
Prajekt skiravany na palapšeńnie ekalahičnaj abstanoŭki ŭ horadzie. Na jahonuju realizacyju kancernam «Biełresursy» było vydatkavana kala 1 miljarda biełaruskich rubloŭ. Padobnyja eksperymenty pravodziacca ciapier u Puchavičach i adnym z rajonaŭ Miensku, dadała Natalla Kačanava.
Kamientary