U haziecie «Źviazda» adbyłasia «pramaja linija» z udziełam staršyni praŭleńnia Nacyjanalnaha banka Nadziei Jermakovaj. Kiraŭnik Nacbanka adkazała na pytańni bolš čym 20 čałaviek.
Pra devalvacyju
«Ci nie płanuje Nacbank pravieści adnarazovuju devalvacyju na pačatku nastupnaha hoda?»
N. Je. — Nie, nie płanuje.
A košt dalara, napeŭna, budzie pavialičvacca z kožnym miesiacam?
N. Je.—Tak, patrochu budzie. U toj ekanamičnaj situacyi, jakaja składvajecca jak u našaj krainie, tak i za jaje miežami, pastupovaja devalvacyja nacyjanalnaj valuty — praces abjektyŭny.
Adnak niejkaha rezkaha padzieńnia kursu biełaruskaha rubla my nie čakajem, pakolki padstaŭ dla hetaha niama.
Skažycie, kali łaska, što budzie ź biełaruskim rublom paśla Novaha hoda? Ab układach turbavacca nie treba?
N. Je. — Tolki što adkazvała na amal takoje ž pytańnie. Ničoha drennaha z nacyjanalnaj valutaj paśla Novaha hoda nie adbudziecca. Nie budzie toj devalvacyi, jakaja była ŭ 2011 hodzie. Tak što, kali ŭ Vas układ u biełaruskich rublach, śpicie spakojna, vašym źbieražeńniam ničoha nie pahražaje. Sustrakajcie Novy hod i nie chvalujciesia.
«Kali niechta sprabuje «vyciahnuć» z vas hrošy pad niejkija nievierahodna vysokija pracenty, viedajcie: heta adnaznačna finansavaja «piramida».
Pra denaminacyju:
«Denaminacyja budzie, ale nie «zaŭtra». Heta nie adnadzionny praces. Adnoj z hałoŭnych umoŭ dla praviadzieńnia denaminacyi źjaŭlajecca nizki ŭzrovień inflacyi — mienš za dziesiać pracentaŭ u hod. Ni sioleta, ni ŭ nastupnym hodzie my na taki pakazčyk nie vyjdziem. A značyć, i denaminacyju pravodzić pakul rana».
Pra adzinuju valutu
«Śpiašacca z adzinaj valutaj nie treba. Bo nie ŭsio tak prosta, jak zdajecca na pieršy pohlad.
Źviarnicie ŭvahu na toje, što adbyvajecca ŭ Jeŭrasajuzie, jakoje nieadnaznačnaje staŭleńnie ŭ asobnych krainach da adzinaj jeŭrapiejskaj valuty — jeŭra.
Uviadzieńnie adzinaj valuty na prastory SND, Mytnaha sajuza ci Sajuznaj dziaržavy Biełarusi i Rasii na tych pryncypach, što byli ŭ Savieckim Sajuzie, siońnia niemahčyma.
Nieabchodny niejki inšy miechanizm zbližeńnia valut našych krain. Mahčyma, u bolš dalokaj pierśpiektyvie (nie raniej čym praz 10 hadoŭ) uviadzieńnie adzinaj valuty stanie realnym. Adnak pierad hetym krainam, jakija aśmielacca na taki surjozny krok, treba budzie prajści doŭhi i vielmi niaprosty šlach intehracyi ekanomik i nacyjanalnych zakanadaŭstvaŭ».
***
Nadzieja Andrejeŭna nie tolki kansultavała, ale i realna dapamahła niekalkim čytačam u vyrašeńni ich prablem.
Tak, spadarynia Nina Niadzielka sa Słuckaha rajona raspaviała ab svajoj składanaj situacyi, źviazanaj z valutaj: «Nikoli nie źviazvałasia z hetymi dołarami. A tut znajomyja paraili: maŭlaŭ, kupi, — kazała jana sa ślaźmi ŭ hołasie. — Nabyła ich u łarku na rynku. A niadaŭna dačce spatrebilisia hrošy, i ja pajšła ŭ bank tyja dołary pamianiać znoŭ na rubli. Ale adnu banknotu ŭ sto dołaraŭ u mianie nie pryniali…»
Nadzieja Jermakova: «Nie treba płakać, daražeńkaja maja. Kali ŭ vas banknotu nie ŭziali, značyć, jana krychu paškodžana. Kab vyrašyć hetuju prablemu, vam nieabchodna źviarnucca ŭ miascovaje adździapieńnie Biełarusbanka. Pakińcie mnie svoj numar tepiefona. Ja daruču svaim śpiecyjalistam, kab jany źviazalisia z hetym adździaleńniem, a potym patelefanavapi vam i skazali, kali piepš tudy padyści».
Ciapier čytajuć
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary