Da hramadskaha aktyvista, lidara moładzievaha kryła kampanii «Havary praŭdu!» — «Zmena» Paŭła Vinahradava za navahodniuju noč dvojčy prychodziła milicyja.
Apošni raz Paŭła paśla 15-sutkavaha aryštu, 12 kastryčnika 2013 h., kab paplečniki nie sustreli, milicyja z Akreścina vyviezła až pad Nacyjanalny aeraport. Na fota — Pavieł i jaho žonka Śviatłana
Pavieł byŭ fihurantam kryminalnaj spravy ab masavych biesparadkach 19 śniežnia 2010 h. i byŭ asudžany na čatyry hady źniavoleńnia ŭ kałonii strohaha režymu. U vieraśni 2011 h. jon byŭ vyzvaleny na asnovie ŭkazu Łukašenki, choć sam pamiłavańnia na prasiŭ.
Z 10 krasavika 2012 h. da Paŭła byŭ prymienieny režym previentyŭnaha nahladu na dva hady. Jon pavinien być doma paśla 20:00 i da 7:00, jamu zabaroniena pakidać stalicu biez dazvołu milicyi. Bolš žorstki režym matyvavali tym, što Pavieł nie kinuŭ hramadskaj dziejnaści, niekalki razoŭ pryciahvaŭsia da adm. adkaznaści (pravodziŭ niekalki hučnych akcyj, a termin adbytych na Akreścina sutak nabližajecca ŭžo da 100, ale milicyja nastojvaje na tym. što zbolšaha brydkasłoviŭ).
Takim čynam pieršy raz milicyja pryjšła pierad samaj apoŭnaču,
paviedamiŭ Pavieł u fb, pryjšoŭ navat načalnik kryminalna-vykanaŭčaj inśpiekcyi. Pavieł iranizuje, što navat uzradavaŭsia, što ludzi zajšli, a to siadziš tut u ciaple, u internecie, a niechta na pracy hibieje.
Druhi raz milicyja pryjšła a pałovie na čaćviertuju nočy.
«U tym ža składzie: moj inśpiektar i načalnik kryminalna-vykanaŭčaj inśpiekcyi. Pałova čaćviortaj nočy, jo- majo. I kali ŭ pieršy raz ja śmiajaŭsia i radavaŭsia, to ciapier ja prosta ździŭlajusia: nu darosłyja ž, zdarovyja mužyki (navat pramieńčyk śviadomaści prahladajecca skroź vočy) u jakich jość siemji, urešcie, a zajmajucca ŭ navahodniuju noč mnoj. Milicyja z narodam! (Inšych słoŭ nie znachodžu ))», — napisaŭ P. Vinahradaŭ.
