Ad 1 studzienia 2014 h. susiedniaja Łatvija pierajšła na jeŭra, paviedamlaje Delfi.lv.
Delfi.lv
Usie łaty kanviertujucca pa aficyjnym pierachodnym kursie, jaki vyznačyła Rada ES 9 lipienia 2013 h: 1 jeŭra = 0,702804 łata.
Aficyjny kurs niaźmienny i budzie takim ža praz 5, 10 i 15 hadoŭ.
Bankamaty ŭžo vydajuć jeŭra naminałam 10, 20, 50.
Dva tydni ŭ abaračeńni buduć znachodzicca paralelna łaty i jeŭra, možna budzie płacić u łatach, ale rešta budzie davacca ŭ jeŭra. Vyklučeńnie — hramadski transpart. Z 15 studzienia ŭsie płaciažy buduć ažyćciaŭlacca tolki ŭ jeŭra.
Jeŭra vykarystoŭvajecca ŭ Aŭstryi, Bielhii, Hrecyi, Estonii, Italii, Irłandyi, Francyi, na Kipry, u Luksiemburhu, Malcie, Słavienii, Słavakii, Finlandyi, Ispanii, Niamieččynie.
Nie vyklučana, što z 1 studzienia na jeŭra piarojdzie najbližejšaja susiedka Biełarusi Litva.