Biełaruś sustrenie pravasłaŭnyja Kalady biez mocnych marazoŭ i śniehu, paviedamiła hałoŭny sinoptyk Respublikanskaha hidramieteacentra Ludmiła Paraščuk.
Pavodle jaje słoŭ, 2013 hod zaviaršyŭsia anamalna ciopłym nadvorjem — siaredniesutačnaja tempieratura pavietra na 5-10 hradusaŭ pieravysiła klimatyčnuju normu, charakternuju dla hetaha času hoda. Studzień padchapiŭ hetu sumnieŭnuju estafietu.
Pavodle jaje słoŭ, u bližejšyja dni (3-5 studzienia) z paŭdniovych šyrot na terytoryju krainy pačnie pastupać vilhotnaja i nie pa-zimovamu ciopłaja pavietranaja masa. U mnohich rajonach prahnazujucca apadki ŭ vyhladzie daždžu i mokraha śniehu.
U subotu i niadzielu dzionny tempieraturny režym na bolšaj častcy terytoryi Biełarusi piarojdzie na stanoŭčyja značeńni — ad 0 da plus 5 hradusaŭ, u niadzielu pa paŭdniovym zachadzie miescami čakajecca da 7 hradusaŭ ciapła.
U pačatku nastupnaha tydnia (napiaredadni i na pravasłaŭnyja Kalady) rezkich źmianieńniaŭ u charaktary atmaśfiernych pracesaŭ nie adbudziecca.
Hłyboki i mahutny atłantyčny cykłon, jaki atabarycca pablizu paŭnočnaha ŭźbiarežža Brytanskich vyspaŭ, pačnie vynosić ciapło z Atłantyki, Pirenejskaha paŭvostrava i dastavić jaho na terytoryju Biełarusi.
«U vyniku śniežny kilim u bolšaści rehijonaŭ tak i nie ŭstalujecca, apadki buduć u asnoŭnym u vyhladzie daždžu.
Tamu pra sanki i łyžy na kaladnyja śviaty biełarusam pryjdziecca zabycca, — dadała Ludmiła Paraščuk. — Pry hetym tempieraturny fon istotna nie źmienicca».
Kamientary