Lidar hurtu «Pałac» zadumaŭ zrabić kancert-karnavał i abiacaje ŭznaharodu za samy pryhožy śviatočny stroj.
«Tradycyja kaladnaha karnavału, śviatočnaha maskiravańnia, na žal, zachavałasia ŭ Biełarusi tolki ŭ viaskovym asiarodździ. Hetu tradycyju treba adradžać. I adradžać u sučasnych, haradskich, kłubnych umovach», — upeŭnieny Aleh Chamienka.
Sapraŭdny biełaruski karnavał miarkujecca pravieści jakraz na kancercie hurtu «Pałac» 6 studzienia ŭ kłubie Re:Public. Muzyka prapanuje zakłaści novuju tradycyju dy zaprašaje ŭsich prychodzić u śviatočnych strojach absalutna advolnaha farmatu - kožny volny apranucca tak, jak tolki dazvolić jaho fantazija.
Za najlepšy śviatočny kaścium viečara Chamienka abiacaje hrašovy pryz pamieram 1 młn rubloŭ.
Śviatočnuju atmaśfieru 6 studzienia ŭ Re:Public buduć stvarać hurty «Altanka», Guda, «Vietach», «Lity taler», a razynkaj viečara budzie vialiki solny kancert «Pałaca».
Kamientary