Radykalnaja isłamisckaja hrupoŭka «Isłamskaja dziaržava Iraka i Levanta» (ISIL) zaklikała svaich členaŭ da źniščeńnia ŭsich astatnich siryjskich paŭstancaŭ. Aŭdyjazvarot z takim zaklikam hrupoŭka vypuściła 7 studzienia.
U zvarocie pradstaŭnik ISIL Abu Machamied al-Adnani zajaŭlaje, što členy hrupoŭki ličać usich astatnich siryjskich paŭstancaŭ «zakonnaj metaj» dla ŭdaru. Pavodle jaho słoŭ, Siryjskaja Nacyjanalnaja kaalicyja abviaściła «isłamskaj dziaržavy Iraka i Levanta» vajnu, a tamu členy hrupoŭki buduć pieraśledvać usich udzielnikaŭ kaalicyi — za vyklučeńniem tych, chto publična abvieścić pra vychad ź jaje i dałučycca da ISIL.
Členy ISIL pavinny źniščyć usich biez vyklučeńnia paŭstancaŭ, jakija zmahajucca suprać ich, «zabiŭšy złačynnuju supolnaść u samym zarodku». Heta, jak havorycca ŭ zvarocie, stanie prykładam dla tych, chto advažycca pajści takim šlacham.
