Vyznačany paradak vystupleńnia finalistaŭ nacyjanalnaha adboračnaha tura mižnarodnaha konkursu pieśni «Jeŭrabačańnie-2014».
Pa vynikach praviedzienaha 8 studzienia losavańnia, finalisty vystupiać u nastupnym paradku: Natalla Tamieła, hurt «Nuteki», Arciom Michalenka, Maćviej Kupier i hurt DUX, TEA, Daryja, Alena Siniaŭskaja, Alina Maščanka, Žanet, Anastasija Małaškievič, SWITTER BOYS feat. KATE&VOLGA KAROL, hurt NAPOLI, Maks Łorens & Dzidziula, Tasha Odi.
8 studzienia ŭ kankursantaŭ pačynajucca repietycyi ŭ studyi Biełteleradyjokampanii.
Finał Nacyjanalnaha adboračnaha tura mižnarodnaha konkursu pieśni «Jeŭrabačańnie-2014» adbudziecca 10 studzienia, šou pačniecca ŭ 22.00 i budzie tranślavacca na telekanałach «Biełaruś 1» i «Biełaruś 24», a taksama ŭ režymie anłajn na sajcie Jeŭrapiejskaha viaščalnaha sajuza.
Aficyjny pradstaŭnik našaj krainy na mižnarodnym konkursie vyznačycca pa tradycyjnaj formule zhodna z praviłami konkursu «Jeŭrabačańnie»: pa vynikach hałasavańnia hledačoŭ i acenak žury.
Mižnarodny konkurs pieśni «Jeŭrabačańnie-2014» projdzie ŭ Kapienhahienie (Danija) 6—10 maja.