«Art Siadziba» sumiesna z servisam onłajn-zvarotaŭ u dziaržaŭnyja orhany Biełarusi «Zvarot.by» prapanujuć padtrymać inicyjatyvu suprać rearhanizacyi litaraturnaha muzeja Maksima Bahdanoviča.
Praz servis, jaki resurs «Zvarot.by» raźmiaściŭ na sajcie «Art Siadziby», kožny achvotny moža adpravić padrychtavany zvarot ab spynieńni dziejańniaŭ, nakiravanych na rearhanizacyju muzeja Maksima Bahdanoviča,
u Ministerstva kultury i Saviet ministraŭ Respubliki Biełaruś. Treba tolki zapoŭnić formu i nacisnuć «Adasłać». Zvarot pryjdzie na elektronnyja adrasy Ministerstva kultury i Savietu Ministraŭ.
«Zvarot.by» — heta pieršy ŭ krainie servis onłajn-zvarotaŭ u dziaržaŭnyja orhany Respubliki Biełaruś. Jaho baza naličvaje bolš za 600 dziaržaŭnych orhanaŭ pa ŭsioj krainie. Tut źmieščany orhany ŽKH, milicyi, adukacyi, achovy zdaroŭja dy inšyja. Formy, praź jakija adbyvajecca suviaź ź dziaržaŭnymi orhanami, adpaviadajuć patrabavańniam da zvarotaŭ, jakija praduhledžanyja zakonam Respubliki Biełaruś «Ab zvarotach hramadzian i jurydyčnych asob».
Servis taksama zadavalniaje patreby inicyjatyŭnych hrupaŭ i arhanizacyjaŭ, jakija padtrymlivajuć hramadzkija intaresy, ładziačy kampanii onłajn-zvarotaŭ.
Jość mahčymaść padtrymać muzej Bahdanoviča i pa-za siecivam.
10 studzienia ŭ «Art Siadzibie» projdzie litaraturna-muzyčnaja impreza, u jakoj voźmuć udzieł dziejačy kampanii suprać rearhanizacyi litaraturnaha muzeja Maksima Bahdanoviča, viadomyja litaratary i muzyki.
Na joj vystupiać pradstaŭniki resursu «Zvarot.by», jakija prezentujuć servis, raspaviaduć pra jahonuju pracu dy mahčymaści, a taksama padzielacca papiarednimi statystyčnymi vynikami kampanii.
A stvaralniki litaraturnaha videaprajektu «Litara-A» Pavał Doŭnar i Dzianis Burko prezentujuć videačytańni vieršaŭ Maksima Bahdanoviča i pačytajuć jahonyja tvory ŭžyvuju.
Arhanizatary rajać usim udzielnikam taksama vyvučyć niekalki vieršaŭ Maksima Bahdanoviča.
Budzie mahčymaść pračytać ich pierad publikaj i damovicca na zdymki dla «Litara-A».
Čakajecca akustyčny vystup hurtu «Hurma». Pačatak u 18:00. Adras «Art Siadziby»: Instrumentalny zavułak, d. 6, 1 pavierch.
