Dačka kiraŭnika BSSR atrymaje premiju sajuznaj dziaržavy za daśledavańnie biełaruskaj architektury
Dzieci savieckich partyjnych rabotnikaŭ niačasta zajmajucca tvorčaściu i dasiahajuć u joj pośpiechaŭ. Adno z vyklučeńniaŭ – Inesa Śluńkova.
Jana druhaja dačka Mikałaja Mikitaviča Śluńkova, jaki ŭznačalvaŭ BSSR u 1983-1987 hadach i zapomniŭsia zamoŭčvańniem nastupstvaŭ avaryi na Čarnobylskaj AES. Jaje muž, paet Piatro Košal sa Słucka, pracavaŭ u vydaviectvie «Sovietskij pisatiel» i spryjaŭ pierakładam biełaruskich piśmieńnikaŭ na ruskuju movu.
Inesa Śluńkova abaraniła doktarskuju dysiertacyju pa architektury.
Peŭny čas Inesa Śluńkova źjaŭlałasia hałoŭnym architektaram muziejaŭ Maskoŭskaha Kramla. Ciapier pracuje ŭ Navukova-daśledčym instytucie teoryi i historyi vyjaŭlenčaha mastactva Rasijskaj akademii mastactva.
Jana aŭtar troch knih, pryśviečanych biełaruskaj architektury: «Architiektura horodov Vierchnieho Pridnieprov́ja ChVII — sieriediny XIX viekov» (Minsk, 1992), «Monastyri vostočnoj i zapadnoj tradicii: naśledije architiektury Biełoruśsii» (Maskva, 2002) i «Chramy i monastyri Biełarusi XIX vieka v sostavie Rośsijskoj impierii. Pieriesozdanije naśledija» (Maskva, 2010).
Śluńkova atrymaje ŭznaharodu mienavita za hetyja knihi.
Akramia jaje, premijaj buduć adznačany narodny mastak Biełarusi Ivan Misko (za sieryju skulpturnych tvoraŭ, pryśviečanych zavajoŭnikam kosmasu, a taksama za stvareńnie pomnika piśmieńniku Siarhieju Aksakavu) i narodny artyst SSSR Uładzimir Zieldzin. 98-hadovaja zorka teatra i kino atrymaje premiju za rolu Don Kichota ŭ miuzikle «Čałaviek z Łamančy» (Centralny akademičny teatr Rasijskaj armii).
Uračystaje ŭručeńnie premij adbudziecca sioleta na «Słavianskim bazary» u Viciebsku.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary