Inžyniery zrabili hibryd hruzavika i viertalota

Amierykanskaja karparacyja Advanced Tactics stvaryła transpartny srodak dla śpiecnaza ZŠA.

Novy latalny aparat ujaŭlaje saboj hibryd bujnoha ŭsiedarožnika, hielikoptara «Čorny jastrab» i bieśpiłotnaha multykoptara, paviedamlaje telekanał «Rasija 24».

Asnoŭnaja pieravaha raspracoŭki ŭ tym, što jana spałučaje ŭ sabie ŭsie plusy hielikoptara, usiedarožnika i bieśpiłotnika. Pradstaŭniki kampanii śćviardžajuć, što mašyny sieryi AT Transformer stanuć pieršymi latalnymi aparatami viertykalnaha ŭźlotu i pasadki (VTOL), taksama zdolnymi jeździć na kołach praktyčna ŭ luboj miascovaści.

Taki transpartny srodak budzie karysny ŭ kožnaj situacyi. Jon budzie chutka pierapraŭlać hruzy i evakuiravać ranienych. Siońnia z hetymi zadačami spraŭlajucca chiba što hielikoptary, ale dla ich pasadki patrabujecca śpiecyjalnaja placoŭka. Tym časam dastaŭlać, da prykładu, ranienych da špitala treba ŭžo na aŭtamabili, a heta strata kaštoŭnaha času. Aparaty sieryi AT Transformer buduć samastojna pieraadolvać vialikija adlehłaści pa pavietry i zatym ad miesca pasadki pryjazdžać da patrebnaj mety.

Skanstrujavany pratatyp atrymaŭ nazvu AT Black Knight Transformer («Čorny rycar-transformier»). Jon spałučaje ŭ sabie ekanamičnaść sanitarnaha samalota i źmiaščalnaść hielikoptara «Čorny jastrab». Płanujecca, što abciakalnaje pavietranaje sudna ŭ pracoŭnym stanie budzie abstalavanaje dyzielnymi ruchavikami z turbanadduvam, zdolnymi ŭźlacieć z 453 kiłahramami hruzu abo piaćciu pasažyrami.

Prykładnaja daŭžynia palotu takoha aparata aceńvajecca ŭ 463 kiłamietry na chutkaści 241 kiłamietr u hadzinu. Pa ziamli AT Black Knight Transformer zmoža pieravozić da 726 kiłahramaŭ hruzu abo vosiem pasažyraŭ na chutkaści da 110 kiłamietraŭ u hadzinu.

Kanstrukcyja rotaraŭ latalnaha aparata nahadvaje tuju, što vykarystoŭvajecca ŭ sučasnych bieśpiłotnych multykoptarach. Jany raźmieščanyja ŭ prostaj i stabilnaj kanfihuracyi, nie majuć rulavych šrubaŭ i składanych macavańniaŭ i kirujucca vysakachutkasnaj kampjutarnaj sistemaj kantrolu. U hetaj sistemie taksama praduhledžanaja mahčymaść palotu z adnym niaspraŭnym ruchavikom dla ekstrannych situacyj.

Na hety momant paŭnamaštabny pratatyp prajšoŭ usie vyprabavańni na ziamli, a pieršy palot zapłanavany na kaniec studzienia 2014 hoda. Doŭhaterminovaj metaj inžynieraŭ Advanced Tactics źjaŭlajecca transfarmacyja aparataŭ sieryi AT Transformer u bieśpiłotniki. Takim čynam, možna budzie nie tolki źvieści na ništo ryzyku i nahruzku dla piłotaŭ, ale i pavialičyć hruzapadymalnaść sudna.

Raniej niamieckija inžyniery vyprabavali vasiamnaccacivintovy elektryčny hielikoptar, pryznačany dla karotkich pieralotaŭ.

• 0
• 0
• 0
• 0
• 0
• 0
• 0
• 0