Premjer-ministr Biełarusi Michaił Miaśnikovič na pasiadžeńni Prezidyuma Savieta Ministraŭ ahučyŭ klučavyja pryjarytety raboty biełaruskaj ekanomiki ŭ 2014 hodzie.
Tak, hałoŭnymi zadačami na biahučy hod źjaŭlajucca zbałansavany ekanamičny rost i efiektyŭnaść. Nie mienš aktualnymi zastajucca taksama pytańni, jakija datyčacca ekspartu i aptymizacyi impartu.
«My pavinny značna naraścić abjomy ekspartu i ŭ peŭnaj stupieni racyjanalizavać impart, dla taho kab zabiaśpiečyć dadatnaje salda», — pastaviŭ zadaču Michaił Miaśnikovič. U suviazi z hetym urad raźličvaje na aktyŭnuju rabotu kamiercyjnych bankaŭ, a taksama Nacyjanalnaha banka jak hałoŭnaha rehulatara hrašova-kredytnaj palityki.
Adnosna ŭstanoŭlenych pakazčykaŭ premjer adznačyŭ, što pierš za ŭsio nieabchodna ŭvodzić dyktat pakazčykaŭ ekanamičnaj efiektyŭnaści, a nie vała. Acenka ž raboty pradpryjemstvaŭ pavinna davacca, u pieršuju čarhu, pa prybytku, zabiaśpiečanaści abarotnymi srodkami i rostu pradukcyjnaści pracy.
«Treba śmieła i aktyŭna iści na restrukturyzacyju stratnych i niepłaciežazdolnych arhanizacyj», — adznačyŭ premjer.
Ab hetym, pavodle jaho słoŭ, havorycca šmat, ale da hetaha času praktyčna ničoha nie zroblena. «Nieefiektyŭnyja pradpryjemstvy i vytvorčaści nie pavinny žyć za košt biaskoncych biudžetnych datacyj i dobra pracujučych kaleh», — padkreśliŭ kiraŭnik urada.
Pierad usimi arhanizacyjami stavicca zadača na praciahu pieršaha kvartała z ulikam raźvićcia novych siektaraŭ i halin ekanomiki pravieści aptymizacyju.
Asobnaj uvahi patrabuje ŭkaranieńnie aŭtsorsinhu. «Pradpryjemstvy treba vyzvalić ad niaprofilnych i dapamožnych vidaŭ dziejnaści», — ličyć premjer. Pieradača ŭsich niaprofilnych aktyvaŭ miascovym orhanam ułady pa faktyčnym stanie pavinna być zavieršana taksama ŭ pieršym kvartale hetaha hoda. U ramkach dziejučych abjadnańniaŭ Michaił Miaśnikovič prapanuje stvaryć haspraźlikovyja struktury na bazie budaŭničych, transpartnych, sacyjalnych i inšych padraździaleńniaŭ, jakija viaduć hetu niaprofilnuju (u adnosinach da asnoŭnaha biźniesu) dziejnaść.
U Hod haścinnaści, na dumku Michaiła Miaśnikoviča, nieabchodna viarnucca da vykanańnia patrabavańniaŭ Dyrektyvy numar 4.
«Pradprymalnictva, raźvićcio śfiery pasłuh u hety hod pavinny stać važniejšymi faktarami ekanamičnaha rostu», — adznačyŭ jon. Tamu tyja zadańni, jakija ŭstanoŭleny ŭ adnosinach da miascovych orhanaŭ ułady pa pavieličeńniu doli małoha i siaredniaha biźniesu ŭ vałavym rehijanalnym pradukcie, pavinny być nie prosta niejkimi pažadańniami - u hetym napramku pavinna być praviedziena peŭnaja rabota, pierakanany premjer.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu5
Kamientary