Jarmošyna praciahvaje zajmacca prapahandaj. Hetym razam — suprać prajmieryz
Niesankcyjanavanyja apytańni vybarščykaŭ napiaredadni abo ŭ čas hałasavańnia źjaŭlajucca nie čym inšym, jak rekłamnymi abo prapahandysckimi trukami.
Takuju dumku vykazała ŭ Homieli žurnalistam staršynia Centralnaj kamisii Biełarusi pa vybarach i praviadzieńni respublikanskich refierendumaŭ Lidzija Jarmošyna, paviedamlaje BiełTA.
Pavodle słoŭ Lidzii Jarmošynaj, kali buduć rabicca takija zamiery, to heta niekantralavana. U vyniku hetaha apytańnie budzie pravodzicca niekvalifikavana i z peŭnaj metaj.
«Arhanizatary prajmieryzu zmohuć padtasavać luby vynik i potym vyvieści jaho jak narodnaje volevyjaŭleńnie. Ja hetamu zusim nie vieru i zaklikaju ŭsich astatnich nie daviarać takim vynikam», - skazała Lidzija Jarmošyna.
«Luby z nas moža pry žadańni zajavić usio što jamu chočacca i pry hetym skazać, što vyniki pravilnyja. Tak, ja dumaju, i buduć dziejničać ideołahi hetych pracesaŭ», — kanstatavała jana.
Staršynia CVK nahadała, što prava pravodzić apytańni ŭ suviazi z vybarami majuć tolki arhanizacyi, jakija atrymali adpaviednyja dazvoły ŭ śpiecyjalnaj kamisii pry Nacyjanalnaj akademii navuk Biełarusi.
Varta adznačyć, što prajmieryz, abo pieradvybary, pravodziacca ŭ mnohich demakratyčnych krainach śvietu, u tym liku ZŠA, Francyi, Italii, Polščy. Na ich prychilniki toj ci inšaj palityčnaj siły abirajuć svajho kandydata ź niekalkich. U mnohich krainach jany pravodziacca na bazie ahulnych vybarčych kamisij.
Zrešty, nidzie niama takoha, kab kiraŭnika Centrvybarkama pryznačaŭ adzin z kandydataŭ, jak toje adbyvajecca ŭ Biełarusi.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary