Dostup da Daroŭ vieščunoŭ, ahulnachryścijanskaj relikvii, budzie spyniacca ŭ načny čas, paviedamili ŭ pres-słužbie Minskaj jeparchii Biełaruskaha ekzarchata RPC.
Śviatynia prybudzie ŭ minski chram Praviednaha Iova Šmatpakutnaha pry Domie miłasernaści viečaram 17 studzienia ŭ supravadžeńni manaskaj delehacyi na čale z nastajacielem manastyra Śviatoha Paŭła archimandrytam Parfionam.
Pakłanicca joj možna budzie z 8.00 da 22.00 z 18 pa 23 studzienia.
Ranicaj 24 studzienia dostup da relikvii budzie spynieny, u hety dzień Dary vieščunoŭ adpraviacca ŭ Kijeŭ.
MUS Biełarusi rychtujecca da zabieśpiačeńnia pravaparadku padčas znachodžańnia ŭ Minsku śviatyni. Miesca, dzie budzie znachodzicca relikvija, a taksama prylehłuju terytoryju milicyja voźmie pad kruhłasutačnuju achovu. Supracoŭniki DAI ŭžo vyznačyli parkoŭki dla aŭtatranspartu i hatovyja da arhanizacyi darožnaj biaśpieki padčas mierapryjemstva. Pry nieabchodnaści buduć arhanizavany kantrolna-prapusknyja punkty i buduć vykarystoŭvacca mietaładetektary dla ahladu ručnoj pakłažy. Z ulikam umoŭ nadvorja razhladajecca pytańnie raźmiaščeńnia dadatkovych aŭtobusaŭ dla taho, kab pałomniki zmahli ŭ ich pahrecca.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary