Pažar adbyŭsia ŭviečary 14 studzienia ŭ vioscy Bieražnoje Stolinskaha rajona Bresckaj vobłaści.
U domie znachodziłasia troje dziaciej — dziaŭčynka 2007 naradžeńnia i dvoje chłopčykaŭ 2008 i 2010 hadoŭ naradžeńnia.
26-hadovaja maci, pakinuŭšy dziaciej biez nahladu i zamknuŭšy ich zvonku, pajšła ŭ kramu.
Sama jana znachodzicca na siomym miesiacy ciažarnaści. Haspadara ŭ chacie ŭ hety momant nie było.
Jašče da prybyćcia pažarnych maci sama vyniesła dziaciej z doma i pieradała daktaram chutkaj dapamohi. Dvoje ź ich užo byli biez prytomnaści. Usie dzieci zahinuli: starejšy chłopčyk i dziaŭčynka pamierli ŭ rajonnaj balnicy, samy małodšy — va ŭčastkovaj balnicy ŭ vioscy.
Ź vieraśnia 2013 siamja była na ŭliku, bo znachodziłasia ŭ sacyjalna niebiaśpiečnym stanie z pryčyny nienaležnaha vykanańnia baćkoŭskich abaviazkaŭ, a taksama złoŭžyvańni maci śpirtnymi napojami.
Ratavalniki-pažarnyja jašče raz zaklikajuć usich žycharoŭ razhladać vypadki pakidańnia małaletnich dziaciej biez nahladu jak nadzvyčajnaje zdareńnie.
Hramadzian zaklikajuć nie być abyjakavymi i paviedamlać ab takich vypadkach. Mahčyma, heta vyratuje dziciačyja žyćci.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary