Siońnia Kabiniet ministraŭ Ukrainy maje namier zaćvierdzić prahramu supracoŭnictva z krainami Mytnaha sajuza da 2020 hoda.
U rasparadžeńni Kommiersant-Ukraina apynuŭsia tekst prahramy supracoŭnictva z krainami Mytnaha sajuza (MS — Rasijaj, Biełaruśsiu i Kazachstanam — da 2020 hoda. Dakumient uzhodnieny z usimi profilnymi ministerstvami i ŭniesieny ŭ paradak dnia pasiadžeńnia ŭrada 15 studzienia.
Vykanańnie prahramy pavinna było pačacca jašče ŭ 2013 hodzie, havorycca ŭ supravadžalnych dakumientach, ale praces jaje padrychtoŭki i ŭzhadnieńnia zaciahnuŭsia.
Va ŭstupnaj častcy prahramy Kabmin pieraličyŭ prablemy, jakija pavinny być vyrašany šlacham vykanańnia dadzienaha dakumienta. Siarod ich — značnaje źnižeńnie intensiŭnaści handlova-inviestycyjnych suviaziaŭ, pamianšeńnie abjomaŭ tavaraabarotu, isnavańnie abmiežavańniaŭ va ŭzajemnym handli i adsutnaść efiektyŭnaha miechanizmu dazvołu handlovych sprečak.
Adnak detalovaha apisańnia šlachoŭ vyrašeńnia takich maštabnych prablem płan nie prapanuje. U dakumiencie pieraličanyja siem «šlachoŭ vykanańnia prahramy», ale ŭsie jany dekłaratyŭnyja, paviedamlaje vydańnie.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary