Hałoŭnym śledčym upraŭleńniem Śledčaha kamiteta zavieršana rasśledavańnie kryminalnaj spravy pa fakcie zabojstva kiraŭnika minskaha kłuba łučnikaŭ-amataraŭ Hanny Sardečkinaj, paviedamili BiełTA ŭ adździele infarmacyi i suviazi z hramadskaściu SK.
Žančyna, nahadajem, źnikła ŭ žniŭni 2013 hoda. Ab źniknieńni zajaviŭ jaje były muž. Paźniej muž pryznaŭsia ŭ ździajśnieńni zabojstva svajoj byłoj žonki i pakazaŭ, dzie schavaŭ astanki zahinułaj. Mały syn u hety čas byŭ u susiednim pakoi.
Śledstvam byŭ pryznačany kompleks roznych vidaŭ ekśpiertyz, u tym liku sudova-miedycynskija, šerah kryminalistyčnych, kompleksnaja psichołaha-psichijatryčnaja. Pa vynikach apošniaj abvinavačvany byŭ pryznany ŭ stanie śviadomaści», — raspaviali ŭ SK.
Z ulikam acenki sukupnaści sabranych dokazaŭ abvinavačanamu było pradjaŭlenaje abvinavačvańnie ŭ zabojstvie ( č.1 art.139 Kryminalnaha kodeksa Biełarusi, karajecca pazbaŭleńniem voli ad 6 pa 15 hadoŭ — NN).
Kryminalnaja sprava pieradadziena prakuroru dla nakiravańnia ŭ sud.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary