Vyjšła Biełaruskaja kalarovaja čytanka dla samych maleńkich
«Čytanka dla maleńkich» užo źjaviłasia ŭ kniharniach Minska i internet-kramach. Jana vyjšła ŭ vydaviectvie «Knihazbor» na zamovu MHA «ZBS «Baćkaŭščyna» i stała praciaham sieryi Sajuza biełaruskich piśmieńnikaŭ «Kalarovy rovar».
U «Čytancy» sabranyja jak narodnyja, tak i aŭtarskija vieršy i kazki, kałychanki i hulniovyja prypieŭki dla dzietak da troch hadoŭ. Układalniki knihi — viadomyja znaŭcy biełaruskaj movy Vincuk Viačorka i Piotra Sadoŭski.
Mastačka Śviatłana Kańkova-Dudarenka zrabiła ilustracyi — jaskravyja, raznastajnyja, dušeŭnyja. Nie treba chvalavacca, što dzietki «začytajuć knižku ŭščent»: čytanka vydadzienaja na ščylnaj krejdavaj papiery i maje ćviorduju vokładku.
«Čytanku dla maleńkich» užo možna nabyć u nastupnych kniharniach Minska:
«Akademkniha», pr-t Niezaležnaści, 72
«Kniharnia Ŭ», pr-t Niezaležnaści, 37A
«Knižny sałon», vuł. Kalinina, 5
«Kniharnia piśmieńnika», vuł. Kazłova, 2
«Viedy», vuł. K.Marksa, 36
«Śvietač», pr-t Pieramožcaŭ, 11
«Centralny knižny», pr-t Niezaležnaści, 19
«Knihi & knižački», pr-t Niezaležnaści, 14
Knižnaja vystava-kirmaš «Mir knih», vuł. Janki Kupały, 27
Taksama čytanku možna zamović u internat-kramach knihi.by i prastora.by.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary