Siońnia ŭ Teatry imia Janki Kupały ŭ Minsku adbudziecca premjera śpiektakla «Pan Tadevuš» pavodle Adama Mickieviča. Adnak, jak paviedamili ŭ sacyjalnych sietkach akciory teatra, z dekaracyj źnikła vyjava hierba «Pahonia», jakaja była na hienieralnaj repietycyi.
Staradaŭni biełaruski hierb možna było ŭbačyć na ściahach na scenie.
«Tak, «Pahonia» była na hienieralnaj repietycyi i na ŭčorašnim pakazie śpiektakla. Ale siońnia zranku stała viadoma, što na adkrytym premjernym pakazie vyjavy hierba nie budzie», — paćvierdziŭ akcior Raman Padalaka.
U pres-słužbie i administracyi teatra pakul nie viedajuć, ci źnik sa śpiektakla hierb, i kali źnik, to čamu. Paraili telefanavać naŭprost mastackamu kiraŭniku teatra Mikałaju Pinihinu. Maŭlaŭ, tolki jon budzie ŭ kursie. Ale Pinihin u hety momant znachodzicca na repietycyi, tamu kamientara my nie atrymali.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary