U Homieli aŭtobus vyniesła na tratuar, jość achviary siarod piešachodaŭ
DTZ adbyłosia kala 12-j hadziny 16 studzienia na vulicy Savieckaj.
Aŭtobus MAZ 17-ha maršrutu pierasiok tratuar, jak miarkujecca, padmiaŭšy pad siabie piešachodaŭ, źnios łaŭku i urny dy ŭrezaŭsia ŭ draŭlanuju skulpturu ŭ skviery.
Na miescy avaryi pracujuć try raźliki MNS, mnostva mašyn chutkich. Z-pad aŭtobusa ratavalniki dastali paciarpiełaha piešachoda, jak miarkujecca, žančynu, jana apynułasia pad dnom aŭtobusa. Maładaja žančyna zahinuła.
Jak raspaviała pasažyr aŭtobusa Marharyta Marozava, «kala skviera aŭtobus stała rezka zanosić, ludzi ŭ sałonie kryčali, bilisia hałovami, chtości pavaliŭsia».
Možna vykazać zdahadku, što ŭ MAZa padčas ruchu łopnuła koła. Na miescy zdareńnia abmiarkoŭvajuć jašče adzin varyjant pryčyn trahiedyi: u kiroŭcy aŭtobusa padčas ruchu zdaryŭsia prystup epilepsii.
Aŭtobus padymajuć ratavalniki, ale piešachodaŭ pad im bolš niama. Pavodle papiarednich źviestak, paciarpieli vadziciel i adna z pasažyrak aŭtobusa.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary