MNS: Kiroŭca aŭtobusa, jaki vyjechaŭ na tratuar i zadušyŭ žančynu, špitalizavany z dyjahnazam «epileptyčny status»
Pavodle papiaredniaj viersii, pieradumovaj vyjezdu aŭtobusa na tratuar na vulicy Savieckaj u Homieli, u vyniku jakoha zahinuła žančyna, moh stać prystup epilepsii ŭ kiroŭcy. Pra heta paviedamlaje BiełaPAN sa spasyłkaj na Homielskaje AK MNS.
Kala 12.00 u samym centry Homiela aŭtobus № 17, poŭny ludziej, raptam źjechaŭ z prajeznaj častki, zajechaŭ u skvier im. Hramyki, pry hetym najechaŭ na žančynu i źbiŭ druhuju, znosiačy na svaim šlachu łaŭki i draŭlanyja skulptury.
Źbitaja aŭtobusam žančyna 1970 naradžeńnia zahinuła. Rabotniki MNS dastali jaje z-pad dna aŭtobusa, daktaram zastavałasia tolki kanstatavać śmierć.
Akramia taho, u darožna-transpartnym zdareńni paciarpieła žančyna 1954 hoda naradžeńnia, jakaja źmieščanaja ŭ balnicu z dyjahnazam «pierałom halonkastupniovaha sustava».
Dyjahnaz kiroŭcy 1973 hoda naradžeńnia, jaki taksama špitalizavany, — «epileptyčny status». U hetym stanie prypadki iduć adzin za adnym z pramiežkami kala paŭhadziny. U pramiežkach chvory nie prychodzić u prytomnaść. Epileptyčny status moža być vyklikany nie tolki epilepsijaj, ale taksama atručeńnie, čerapna-mazhavoj traŭmaj, puchlinaj abo zapalenčymi zachvorvańniami mozhu i da t.p.
Aŭtobus praciahvaje zastavacca na miescy avaryi, pracuje śledčaja hrupa. Pravodzicca apytańnie śviedak zdareńnia.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary