Muzykanty Śviatasłaŭ Vakarčuk («Okiean Jelzi»), pieramožca Jeŭrabačańnia Rusłana Łyžyčka i Oleksandr Pałažynski («Tartak») stali łaŭreatami premii imia viadomaha ŭkrainskaha dysidenta i palitviaźnia Vasila Stusa (1938—1985), zasnavanaj u 1989 Ukrainskaj asacyjacyjaj niezaležnaj tvorčaj intelihiencyi.
Premija prysudžajecca aŭtaram, jakija majuć vydatnyja pośpiechi ŭ svajoj halinie, zajmajuć vyraznuju hramadzianskuju pazicyju, aktyŭna prysutničajuć va ŭkrainskaj kulturnaj prastory.
Uručeńnie premii adbyłosia 14 studzienia ŭ Kijevie.
Śviatasłaŭ Vakarčuk, Rusłana i Saško Pałažynski brali taksama ŭdzieł u Majdanie (pratestach va Ukrainie). Rusłana i Pałažynski ŭvajšli ŭ Radu stvoranaha abjadnańnia Majdan, a Vakarčuk razam ź pieršym składam OJE daŭ kancert na Majdanie u marozny viečar 14 śniežnia, jaki sabraŭ, pa roznych acenkach, ad 100 tys. da 200 tys. čałaviek.
Śviatasłaŭ Vakarčuk u svaim tvitary 14 studzienia napisaŭ: «Siońnia atrymaŭ premiju Vasila Stusa z ruk Jevhiena Śvierstiuka. Adna ź niešmatlikich adznak u maim žyćci, atrymańnie jakoj dla mianie — honar!
Kab va Ukrainie byŭ chacia b miljon ludziej z takoj volaj i pryncypami, jak u Vasila Stusa, dumaju, my b byli siarod najŭpłyvoviejšych nacyj śvietu».
Darečy, u hetym hodzie hurtu «Okiean Jelzi» spaŭniajecca 20 hadoŭ. Zapłavana niekalki vialikich kancertaŭ va Ukrainie. 25 sakavika — kancert u Varšavie, 28 sakavika — u Vilni, 30 studzienia — u Łondanie.
Okiean Jelzi na Majdanie 14 śniežnia 2013 h. vykonvaje pieśniu «Druh»
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary