U Hiermanii niepadalok ad horada Koblenc raźbiŭsia samalot bundeśviera Tornado.
Abodva piłoty zdoleli katapultavacca i atrymali niaznačnyja traŭmy.
Samalot Tornado raźbiŭsia kala 21:30 pa miascovym časie (23:30 pa Minsku) u čaćvier, 16 studzienia. Abłomki ŭpali na prajeznuju častku aŭtastrady. Źviestak pra paciarpiełych na ziamli abo razbureńniach u vyniku padzieńnia samalota nie pastupała.
Samalot, jaki raźbiŭsia, prypisany da vajskovaha aeradroma Biuchiel. Pra jakuju mienavita madyfikacyju Tornado — pierachopnik abo źniščalnik-bambavik — idzie havorka, nie paviedamlajecca.
Bajavyja reaktyŭnyja samaloty Tornado byli zapuščanyja ŭ ekspłuatacyju ŭ 1980 hodzie, prajekt stvaraŭsia pry sumiesnym udziele Hiermanii, Vialikabrytanii i Italii. Usiaho było pabudavana kala tysiačy Tornado roznych madyfikacyj, bolšaść ź ich — bolš za trysta — ekspłuatujucca bundeśvieram.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary