Karparacyja Google anansavała «razumnyja» kantaktnyja linzy dla dyjabietykaŭ.
Paviedamleńnie ab novaj raspracoŭcy źjaviłasia na aficyjnym błohu kampanii.
U ciapierašni čas u Google prachodziać testy kantaktnyja linzy, zdolnyja vymiarać uzrovień hlukozy ŭ kryvi. Analiz «razumny» hadžet pravodzić z dapamohaj biespravadnoha čypa i sensara hlukozy, ubudavanych pamiž słajami linzaŭ.
Jak adznačyli ŭ karparacyi, na dadzieny momant havorka idzie ab pratatypie. Kampanija nie vyklučaje, što ŭ budučyni ŭ pryładu budzie ŭmantavany minijaciurny LED-indykatar, jaki paviedamić ab zanadta vysokim ci zanadta nizkim uzroŭni hlukozy ŭ kryvi.
U Google taksama paviedamili, što nie płanujuć zajmacca hetym prajektam u adzinočku. Karparacyja maje namier znajści dla raspracoŭki «razumnych» linzaŭ partnioraŭ-ekśpiertaŭ.
Raniej paviedamlałasia, što elektronnyja pryłady ŭ vyhladzie branzaletaŭ, hadzińnikaŭ, navušnikaŭ, harnituraŭ i akularaŭ mohuć stać adnym z hałoŭnych trendaŭ IT-industryi ŭ 2014 hodzie.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary