Siońnia stała viadoma, što Minski harsaviet zaćvierdziŭ pamiery štomiesiačnych dapłat rabotnikam staličnaj sistemy achovy zdaroŭja. U siarednim nadbaŭki pavialičylisia na 46%. Adnak za hetaj ličbaj stajać davoli nievialikija sumy.
Maksimalnuju nadbaŭku — 1,04 młn rubloŭ — atrymali chirurhi i aniestezijołahi-reanimatołahi. Pamier dapłaty dla doktara-śpiecyjalista i fielčara (vyjazdžaje samastojna) UAZ «Haradskaja stancyja chutkaj miedycynskaj dapamohi» ustanoŭleny ŭ pamiery 585 000 rubloŭ. Najmienšyja dapłaty — 195 tysiač — atrymajuć siostry-haspadyni, małodšyja miedsiostry pa dohladzie za chvorymi, sanitaraki i niani.
Vital Ahiejenka, adzin z kaardynataraŭ pratestaŭ staličnych miedykaŭ, paviedamiŭ žurnalistu «Našaj Nivy», što miedyki niezadavoleny novymi taryfami.
«Pakul supracoŭnik, jaki ratuje žyćci, budzie atrymlivać mienš za hruzčyka, prybiralščyka ci roznarabočaha biez adukacyi, my nie budziem zadavolenyja! Viadoma, takija rašeńni prymajucca nie za adzin dzień, adnak nijakich zruchaŭ u płanie pavyšeńnia akładaŭ my nie nazirajem», — kaža Ahiejenka.
Pavodle jaho słovaŭ, usie apytanyja miedyki skieptyčna pastavilisia da rašeńnia Minharsavieta deputataŭ. «Adnyja kažuć «nibyta sabaku kostku kinuli», inšyja ŭvohule nie bačać, što administracyja robić kroki nasustrač», — paviedamiŭ jon.
Ciapier miedyki-pratestoŭcy čakajuć aficyjnaha adkaza kamisii, stvoranaj pry Kamitecie pa achovie zdaroŭja Minharvykankama — jaho abiacali dać praz 10 dzion paśla sustrečy delehacyi miedykaŭ ź minskimi čynoŭnikami. Nahadajem, heta sustreča adbyłasia 8 studzienia.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary