ANT, 00.10
Toni Vendzis (Rej Miłand), byłaja zorka vialikaha tenisu pabraŭsia šlubam dziela karyślivych metaŭ. Ciapier jon prydumaŭ padstupny plan zabojstva svajoj žonki (Hrejs Kieli). Chacia ŭsio pajšło nia tak, jak zadumaŭ niahodnik, u jaho zastajecca mahčymaść adpravić hierainiu na šybienicu. Ci zdoleje biaźvinnaja achviara apraŭdacca, i ci vykryje złačyncu jejny siabra Mark?
Siužet Chičkokaŭskaj stužki dobra viadomy biełaruskamu hledaču pa savieckaj karcinie “Pamyłka Toni Vendzisa” ź Iharam Kastalejskim, taksama pastaŭlenaj pa pjesie Nota.
Ale karcina “U vypadku zabojstva nabirajcie M” – heta stužka sera Alfreda Chičkoka.
Trymciennaje napružanaje čakańnie, niapeŭnaść, maroz pa skury, achviara, jakoj pahražaje śmierć i karonnaja scena telefonnaha zvanka – firmovyja pryjomy majstra.
Kaliści ŭ Chičkoka spytali: “Što vy pradajacie?” “Dryžyki,” – adkazaŭ Chičkok.
Mienavita hetyja dryžyki, pastaŭlenyja z najvyšejšym plastyčnym majsterstvam, robiać televizijny viečar zusim nia nudnym.
