Za 2013 hod na 29 pracentaŭ vyrasła kolkaść karupcyjnych złačynstvaŭ — da 2301, faktaŭ chabarnictva — da 1319 (u 2012 — 933).
Takija ličby ahučyŭ namieśnik hienieralnaha prakurora Biełarusi Alaksiej Stuk. Chacia ahulnaja kolkaść zarehistravanych złačynstvaŭ źmienšyłasia da 96676 (u 2012 — 102172).
Samymi karumpavanymi źjaŭlajucca sistemy ministerstvaŭ pramysłovaści, achovy zdaroŭja, adukacyi.
«Praviedzieny manitorynh kamisij pa supraćdziejańniu karupcyi ŭ dziaržaŭnych orhanach. Vyjaŭleny niedachopy i fakty farmalizmu ŭ pryniaćci rašeńniaŭ, jakija supiarečać dziejučamu zakanadaŭstvu. U šerahu vypadkaŭ u składzie kamisij u jakaści ich členaŭ i navat staršyń ličylisia asoby, jakija nie pracavali praciahły čas u hetych ustanovach», — skazaŭ Alaksiej Stuk.
