28-hadovy hramadzianin Jehipta paŭstaŭ pierad sudom za zhvałtavańnie biełaruski ŭ Dubai (Abjadnanyja Arabskija Emiraty). Jon admaŭlaje vystaŭlenyja abvinavačańni, a vinavacić va ŭsim paciarpiełuju, paviedamlaje sajt gulfnews.com.
Para paznajomiłasia ŭ internecie i viała pierapisku pa pytańniach biznesu.
Hramadzianka Biełarusi sustrełasia z hramadzianinam Jehipta ŭ hateli Jumeirah Lake Towers. U chodzie sustrečy mužčyna staŭ damahacca žančyny i schilać jaje da intymnaj blizkaści. Jon śćviardžaŭ, što pierad pačatkam dziełavych adnosin im treba bližej spaznać adzin adnaho.
U niejki momant žančyna adpichnuła hvałtaŭnika i pasprabavała zamknucca ŭ spalni, kab vyklikać palicyju, ale jehipcianin vysadziŭ dźviery, pavaliŭ žančynu na łožak i zhvałciŭ.
Paciarpiełaja hołaj vybiehła z numara, kali jehipcianin adyšoŭ u vanny pakoj. Jehipcianin pačuŭ, jak stuknuli dźviery numara i kinuŭsia za žančynaj. Aholenaja para ŭvarvałasia ŭ lift, u jakim užo jechała niekalki čałaviek, paćvierdzili sudu śviedki.
Miž tym padazravany ŭsie abvinavačvańni adchilaje. Pavodle jaho słovaŭ, biełaruska spačatku zamknulisia ź im u numary, a zatym spakušała i schilała jaho da intymnaj blizkaści. A pra zhvałtavańnie, śćviardžaje jon, žančyna zmaniła.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary