Chvaroba prezidenta Ukrainy Viktara Janukoviča na minułym tydni była źviazana ź niežadańniem sustrakacca z hrupaj jeŭradeputataŭ, jakija naviedvali Kijeŭ. Tak miarkuje staršynia Kamiteta pa zamiežnych spravach Jeŭraparłamienta Elmar Brok.
«My sustrelisia ź lidarami apazicyi. My sustrelisia ź ministram zamiežnych spraŭ Kažaram. My sustrelisia sa spadarom Klujevym, vielmi ŭpłyvovym kiraŭnikom administracyi prezidenta», — raspavioŭ jon, padvodziačy vyniki vizitu delehacyi z 12 deputataŭ ad usich siami palityčnych hrup JEP u Kijeŭ 28—30 studzienia.
«Pavinna być sustreča i z prezidentam Janukovičam, ale jon zachvareŭ», — skazaŭ Brok, jaki pradstaŭlaje ŭ Jeŭraparłamiencie Niamieččynu.
«Jak tolki my pakinuli Kijeŭ, prezident Janukovič raptam ačuniaŭ», — adznačyŭ jeŭradeputat na pres-kanfierencyi ŭ Strasburhu padčas siesii Jeŭraparłamienta.
Brok, viadomy svaimi krytyčnymi zajavami ŭ adras ŭkrainskaj ułady, taksama skazaŭ, što Janukovič «hublaje padtrymku svajho naroda. Jon hublaje padtrymku svajoj partyi».
Janukovič znachodziŭsia na balničnym z 30 studzienia pa 3 lutaha z-za vostraha reśpiratornaha zachvorvańnia.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary