Prezident Ukrainy Viktar Janukovič źmianiŭ rehłamient Kabinieta ministraŭ i daručyŭ pieršamu vice-premjeru Siarhieju Arbuzavu vykonvać paŭnamoctvy premjer-ministra.
Adpaviedny ŭkaz raźmieščany na sajcie prezidenta.
Janukovič admianiŭ 1, 3 i 4 punkty 10-ha parahrafa 2 častki rehłamientu Kabmina (dzie vypisanyja pryncypy kiraŭnictva ŭradam u vypadku adsutnaści premjera).
«Pieršamu vice-premjer-ministru Siarhieju Arbuzavu ažyćciaŭlać … paŭnamoctvy premjer-ministra Ukrainy zhodna z vyznačanym Kabinietam ministraŭ Ukrainy raźmierkavańniem paŭnamoctvaŭ», — havorycca va ŭkazie.
Jak viadoma, 28 studzienia Mikałaj Azaraŭ padaŭ u adstaŭku z pasady premjer-ministra.
U admienienych punktach rehłamientu praduhledžvałasia, što pry adsutnaści premjera ŭ suviazi z chvarobaj, adpačynkam i kamandziroŭkaj, uradam kiruje pieršy vice-premjer, i vyznačalisia paŭnamoctvy, jakija jon moža vykonvać.
U pryvatnaści, pry adsutnaści premjera ŭrad nie moh prymać rašeńniaŭ, jakija vyznačali b kanceptualnyja asnovy dziaržpalityki, i inšyja važnyja rašeńni.
