CNN vybačyłasia za ŭklučeńnie manumienta «Mužnaść» u Breście ŭ śpis samych pačvarnych u śviecie
Redakcyja telekanała CNN pryniesła prabačeńni za ŭklučeńnie biełaruskaha manumienta «Mužnaść» u śpis samych pačvarnych pomnikaŭ śvietu. Adpaviednaja zajava raźmieščana na aficyjnym sajcie telekanała ŭ vyhladzie papraŭki da pieršapačatkovaha materyjału.
«My zrazumieli, što zhadka ŭ našym śpisie Bresckaj krepaści abraziła žycharoŭ Biełarusi», — havorycca ŭ zajavie.
Redakcyja padkreśliła, što śpis tolki mieŭ na mecie ŭ žartaŭlivaj formie paznajomić čytačoŭ z pomnikami z usiaho śvietu.
U zajavie CNN adznačajecca važnaść manumienta dla mnostva ludziej, jakija jašče pamiatajuć achviary abaroncaŭ krepaści. U toj ža čas, prybirać pomnik ź śpisu samych pačvarnych zbudavańniaŭ śvietu redakcyja nie stała.
U Biełarusi hetaje ŭklučeńnie atrymała rezanans.
Nahadajem, što amierykanskaja kampanija CNN skłała śpis samych vyrodlivych pomnikaŭ śvietu. U jaho ŭvajšoŭ i manumient «Mužnaść», jaki znachodzicca ŭ Bresckaj krepaści.
Składalniki śpisu nazvali skulpturu «Razzłavanym biełarusam, jaki źjaŭlajecca ź vielizarnaha bietonnaha błoka». Pa ich słovach, pomnik «simvalizuje saboj pieramohu Savieckaha Sajuza ŭ Vialikaj Ajčynnaj vajnie. Taksama jon słužyć napaminam nie źviazvacca ź Biełaruśsiu — nikoli».
Akramia znakamitaj bresckaj «hałavy» u śpis trapili takija pomniki, jak «Razmova z Oskaram Uajłdam» ŭ Łondanie, «Sam Hill's Stonehenge» u Vašynhtonie, pomnik Papu Rymskamu Janu Paŭłu Druhomu ŭ Rymie dy inš.
«Hetaja padborka sientymientalnych pamyłak i zanadta hruznych tvoraŭ mastactva moža pasłužyć prykładam biezhustoŭščyny i pieraboru ŭ halinie kreatyvu, choć dyktatary i ich mastackija kamitety ŭ svoj čas ličyli ŭsio heta vydatnaj idejaj», — paviedamlaje CNN.
Raskazvajuć, što pieršapačatkova architektar Kibalnikaŭ płanavaŭ zrabić manumient nie bolšym za 7 mietraŭ, ale kiraŭnictvu hetaha zdałosia mała, tamu było vyrašana pavialičyć pamiery da 36 mietraŭ. Ale i heta było nie ŭsio. Pry kancy isnavańnia SSSR źjaviŭsia prajekt dabudovy za manumientam jašče bolšaha bietonnaha błoka, kab pavialičyć jaho maštab. Ale z raspadam SSSR hety hihantamanski płan sarvaŭsia.
Kab stvaryć lepšy vid na manumient, paškodžany ŭ časie vajny «Bieły pałac» pierad manumientam (były ŭnijacki manastyr) byŭ źniesieny amal da padmurkaŭ. Heta pavinna było padmacavać mietafaru «Ruiny stralajuć».
i
Apytanka
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA31
Kamientary