Pieršy Nacyjanalny ŭkrainski telekanał zabaraniŭ usim ukrainskim ŚMI vykarystoŭvać u svajoj pracy słovy «Alimpijada», «Alimpijskija hulni» i łozunh mižnarodnych spabornictvaŭ — «Chutčej, vyšej, macniej».
Pra heta havorycca ŭ zvarocie da pradstaŭnikoŭ ukrainskich ŚMI, paviedamili ŭ pres-słužbie Pieršaha Nacyjanalnaha.
«Zhodna z abmiežavańniami Mižnarodnaha Alimpijskaha kamiteta i z metaj niedapuščeńnia parušeńniaŭ padčas pakazu CHCHII zimovych Alimpijskich hulniaŭ NTKU, jak aficyjny viaščalnik Alimpijady-2014 na terytoryi Ukrainy, zaklikaje nie ździajśniać niesankcyjanavanych tranślacyj spabornictvaŭ lubymi trecimi asobami i nie ździajśniać supraćpraŭnych dziejańniaŭ, źviazanych z tranślacyjaj», — havorycca ŭ paviedamleńni.
Taksama NTKU adznačaje, što telekampanija i inšyja ŭpaŭnavažanyja na heta arhanizacyi «ažyćciaŭlać manitorynh efiraŭ telekanałaŭ u dačynieńni da vykanańnia vyklučnych pravoŭ NTKU na televizijnuju tranślacyju abo pakaz Alimpijskich hulniaŭ».
